Volget das Ringen
Lauft einer Zuo dir vnd begreift dir beÿde arm / Vnd
du Ime die seinen / so las dich dringen / vnnd sich das du
nicht zu sehr an dich zwingst oder druckest / Merck wen ehr
dich will werffen oder schrencken / so trit mit dem rechten
Fus Zuo Im Vnnd schlage In mitt dem Fus an schenckel / auf
der andern seÿten hilf Im mitt dein arm / Vnnd stos In
vber sich / so felt ehr.
Will es dir einer thun / so merck wen ehr dir den fus will
versetzen / so Zeuch dein Fus vnnd setz In hinder den seinen
/ nim die wag vf der andern seytten / bey seinem Arm / stos
[?] vber sich / so geth ehr dahin.
/Aliut./
Lauft
einer
Zu dir mitt eim spies / vnd meinet dich zu stechen / Vnnd
du kein ander wehr hast / als ein degen / so forcht dich nicht
/ Fast deinen degen Zum Oberstich in der schneiden / Vnnd
setze das lincke bein vor / In dem als ehr Zu dir lauft oder
sticht / so fall im mit dem degen an sein spies / vonn vnden
auff / vber dem haubt Zu der rechten seÿtten mitt
der lincken hand / greyf Im In sein Goller / stich in wo du
hin wilt.
Aliut.
Hastu
ein
degen / Vnnd dein Feind ein schwerd / Vnnd ehr dich meint
/ so triet fest zuo Im / Vnnd warte wan ehr dich Zum kopf
schlecht / so fas dein degen Zum Vnderstich / Zuck bald hin
mitt
der lincken hand / Far Im an die spitz deins degens / Vnnd
kum von vnden auff an sein schwerd / Zu hand greuf mitt der
Linck~ hand an sein gebunde / oder Vber seine beÿde
arm / Vnnd arbeÿt mit dem degenn.
Oppositum
Wart wen
ehr dir
dein Arm will greÿffen / Zuck an dich mit einem
Abtrit
/ vnnd stos In mitt deiner linck~ hand von dir.
|
