Transkriptionen | Joachim Meyer, Rostock | Ringen zu Pferd

« zurück zur Übersicht

94v

Item also soltu deinenn tzaum Anrichtenn wenn du mit der lincken hannd arbeitenn wilt, vnnd ist Zwayerley anzurichtenn, Zum Ersten mach zwenn riemenn, an Jede seittenn an den Peuschel, einen, vnnd bint sie zueinander, vnnd mach ein schlingenn nit weiter, wenn das dir dein hannd wol hindurch mag, so stos dein hand durch, vnd fas dartzu denn Peuschel in die handt, vnd wenn du wilt ringenn, so las den Peuschel farnn, so

top

95r

bleibt dir der tzaum an dem arm. Zu dem andernn mal, mach tzwenn lanng riemenn, an den Peuschel als vor mt einer schlingenn, die dir gerecht vnd lang genug sey an den arm vnnd hinter den elnpogenn, vnnd die sol habenn einen kneuffel, al an einem Putel, das du die schling magst auf vnnd tzu ziehen vnnd denn arm ledig machenn wen du wilt, vnnd bleibt dir der tzaum hinter dem arm oder elnpogen Also magstu gearbeitenn mit baidenn hendenn, wie du wilt.

top

« zurück zur Übersicht