Transkriptionen | Paulus Hector Mair | Dussack

« zurück zur Übersicht

114r [Pdf-Seite 231]

Die Stend
Im Du°seggen.

top

114v [Pdf-Seite 232]

[leer]

top

115r [Pdf-Seite 233]

Das Register so ÿber die
• 40 • stennd des Du°seggens gehort • volgt hernach

A
Alber vom tag gögen dem vndern wechselhaw° 20
Armbru°ch gögen ainem einschiessen 21
Absetzen gögen ainem schnit 23
Ain falscher ort gögen ainem verhawenen wechsel 25
Ansetzen mit ainem schnit göge~ der kron 40

B
Bogen von baiden seiten 3

D
Dopelhaw gögen dem winden 22
Du°seggen nemen mit ainem wu°rff 29
Duseggen nemen mit ainem Armbru°ch 32

E
Entristhaw° gögen dem oberhaw° 6

Ein vnders Mu°tieren mit ainem gefarhaw° 7
Empfinden schwech vnd stercke 9
Einschiessen gögen der kron • 12

H
Hu°t vom tag vnd der bogen • darau°ß ain wurff geet 28

I
Ibergeen mit ainem verkerte~ haw° gögen der halben kron 38

L
Lu°ginsland mit ainem wu°rff 30

O
Oberschnit mit ainem Absetzen 15
Ochs gögen dem Bogen 37

S
Schnit mit ainem Reissen 10

 

top

115v [Pdf-Seite 234]

Schaitelhaw° mit ainem abnemen 13
Schnit mit ainem Du°seggen nemen 27
Schaitler gögen dem Bogen 31
Su°nnenzaigen mit ainem wu°rff 35

V
Vnnderhaw° 2
Underschnit mit ainem zwirch haw° 14
Verkerer mit ainem doppelten Oberhaw° 17

W
Wu°rff au°ß dem hackhen 19

Z
Zornhaw° 1
Zwaÿ absetzen von baide~ seiten 4

Zwinger mit der Schranckhu°t          5
Zwaÿ Leger darau°ß die Creu°tz haw° gond 8
Zwen oberschnit 11
Zornhaw° gögen ainem obern schnit 16
Zwirchhaw° gögen dem kru°mphaw° 18
Zwu° höchst Rhu°ren des Du°segge~ 24
Zwingerhaw° von baiden seiten 26
Zwaÿ einprechen darau°ß ain wu°rff geet 33
Zwaÿ einprechen mit Iren örtern 34
Zornhaw° gögen ainem lange~ ort 36
Zwaÿ einprechen darau°ß ain wu°rff geet 39
top

116r [Pdf-Seite 235]

Der Zornhaw gögen dem schaitler
1

Item w°ann du° mit zu° fechte~ Zu° dem Mann geest • so stee mit deinnem lincken fu°oß vor • vnnd schickh dich also mit dem zornhaw° hallt dein Du°seggen mit gestracktem Arm ob deinnem hau°pt • deinner Rechten seitten • das der Ort zu°ru°ckh hanng • vnnd haw° Im mit dem Zornhaw° zu° seinner Linckhen seitten • seines kopfs • Indes volg mit deinnem rechten fu°oß hinnach vnd stich Im zu° seiner rechten seitten • seines gesichts sticht Er dir allso nach deinnem gesicht • vnd du° mit deinnem lincken fu°oß vorsteest • Inn dem Schaitler • so setz Im den stich ab mit deinner Lanngen schneiden • vnd volg mit deinem Rechten schennckel hinnach • Indes haw° Im zu° seiner Lincken seitten seines kopffs, versetzt er dir das • so sprinng mit deinnem lincken fu°oß fu°r seinen Rechten • vnd haw° Im mit Lannger schneid zu° seinnem hau°pt • haw°t Er dir dann also oben lanng ein • so trit mit deinnem Lincken schennckel hinein vnd versetz Im dem haw° • Indes haw° zu° Im mit ainem Vnnderhaw° von deinner Rechten zu° seinner Linncken seitten

top

116v [Pdf-Seite 236]

Der vnnderhaw vonn baiden seÿten
2

Item schickh dich Allso Inn den vnnderhaw° • stee mit deinnem rechten fu°oß vor vnnd hallt dein Du°seggen mit dem gehu°ltz vor deinnem hau°pt • den Ort gestrackt gegen dem Man • Indes volg mit deinnem Linckel schennckel hinnach vnnd haw° Im die zwirch zu° seinner rechten seitten seines kopffs, versetzt er dir dann die zwirch so zu°ckh das alle treffen vnnd haw° Im wider ein zu° seinem rechten arm • haw°t er dir also zwifach ein au°f dein rechten seitten • vnnd du° mit deinnem Lincken fu°oß vorsteest • so setz Im das ab mit deiner lanngen schneidin Indes wind au°f vber dein hau°pt • vnd trit mit deinnem rechten fu°oß hinnach vnnd haw° Im behennd ein zu° der obern plösse seinner rechten seitten • versetzt er dir das • so wind Im den Ort zu° seinem gesicht • oder der pru°st • setzt er dir den also ab • so volg mit deinnem rechten fu°oß hinnach und haw° Im oben zu° der schaitel

top

117r [Pdf-Seite 237]

Der bogen vonn baiden seiten
3

Item so du° mit dem Zu°fechten zu° dem Mann • kompst so schickh dich also Inn den pogen • stee mit deinnem rechten fu°oß vor • das die lang schneid oben gewendt seÿ • der Orth gestrackt gegen dem mann • Inndem volg mit deinem Lincken • schenckel hinnach vnnd haw° Im von vnnden zu° seinnem Rechten Elenpogen versetzt er dir das • so trit mit deinnem rechten fu°oß fu°r seinnen rechten Innwendig vnnd haw° Im oben nach seinnem hau°pt • Haw°t er dir dann also oben ein vnd du° au°ch gegen Im steest Inn dem pogen • so setz deinnen rechten schennckel zu°ru°ckh vnd haw° dich Inn die zwirch so ist Im der haw° versetzt • Indes tritt mit deinnem rechten fu°oß wider hinnein • vnd haw° Im ein au°f sein lincke seitten • versetzt er dir das • so volg mit deinnem lincken fu°oß hinnach vnd stich Im zu° dem gesicht • sticht Er dir dann also zu° deinem gesicht so setz das ab mit deiner langen schneid Indes trit mit deinnem lincken fu°oß • hinnach • vnd haw° Im mit der zwirch zu° seinem Rechten Arm •

top

117v [Pdf-Seite 238]

Zway absetzen vonn baiden seiten
4

Item wann du° mit Dem zu°fechten zu° dem Man geest • so schickh dich also Inn das absetzen • stannd mit deinnem Rechten fu°oß vor vnd halt den du°seggen an deinner rechten pru°st • Indes volg • mit deinnem Lincken schenckel hinnach vnd haw° Im von vnnden nach seinnem Rechten arm • haw°t er dir also nach deinnem rechten arm • vnnd du° au°ch Inn dem absetzen steest • deinnen rechen fu°oß fu°rgesetzt • so setz Im das ab mit deinner lanngen schneid • Indes volg mit deinem Lincken schenckel hinnach vnd begreiff mit deiner lincken hand sein rechte • vnd haw° Im zu° seinnem hau°pt • hat er dich also begriffen • vnd haw°t dir oben ein • so setz Im mit deiner Lincken hand an seinnen rechten Elenpogen • so ist Im der haw° verschoben • Indes zeu°ch deinnen Rechten arm zu° dir • vnnd trit hindersich vnnd haw° Im damit zu° der obern plosse, versetzt er dir das fu°rbas • so Raiß Im wider nach mit der zwirch zu° seinnem hau°pt • zwircht er dir also zu° • so fall Im kru°mp ein vnd schneid Im zu° seinem gesicht vnnd haw dich damit zu°ru°ckh •

top

118r [Pdf-Seite 239]

Der zwingerhaw° mit der schranckhu°t
5

Item so du° mit dem Zu°fechten zu° dem Mann kompst • so schickh dich also Inn den zwingerhaw° stee mit deinnem rechten fu°oß vor • dein du°seggen au°f deinner lincken Achsel • Indes volg mit deinnem Lincken schennckel hinnach vnnd haw° Im nach seinnem rechten arm • so zwingstu° In • das Er dir versetzen mu°oß • zwingt er dich also zu° u°ersetzen • vnnd du° mit deinnem rechten fu°oß vorsteest • Inn der Schrannckhu°t • den Ort au°f der erden • die lanng schneid gegen dem Mann • so zeu°ch deinnen Rechten fu°oß zu°ru°ckh vnd gee mit dem du°seggen au°f fu°r dein hau°pt • Indes trit mit dem rechten schennckel wider hinnach vnd haw Im nach seinner lincken seitten • versetzt Er dir das • so henng au°f dein rechten seitten • das die lanng schneid oben gewendt seÿ, spring mit deinnem lincken fu°oß hinder seinen Rechten vnd haw° Im mit der zwirch zu° seinnem rechten Ohr, zwircht er dir also • zu° deiner rechten seitten • so versetz Im das mit deiner Lanngen schneid, Indes trit mit deinnem Rechten schenckel hinein vnd schneid In mit ainem vndern schnit In seinen rechten arm • vnd In dem schnit greiff mit deiner lincken hand nach seiner rechten • so hastu° Im die ober ploss abgewu°nnen •

top

118v [Pdf-Seite 240]

Der entristhaw° Go°gen dem Oberhaw
6

Item schickh dich Allso mit dem Entristhaw° stee mit deinnem lincken fu°oß vor vnnd hallt dein du°seggen au°f deinnem rechten knie mit dem hefft • das der Ort • gegen dem Mann gewenndt seÿ, haw°t Er dann deinner obern ploss zu° • so volg mit deinnem rechten fu°oß hinnach vnnd gee mit dem du°seggen • au°f vber dein hau°pt • das die lanng schneid oben gewenndt seÿ • so ist Im der haw° versetzt Indes • haw° dich behendigelich Inn die zwirch nach seinnem rechten Ohr • zwircht er dir dann also zu° deinnem rechten Ohr • vnd du° mit deinnem rechten fu°oß vorsteest • so versetz Im das mit deinner Lanngen schneid vnd volg mit dem lincken fu°oß hinnach • laß Inndem behend ablau°ffen • vnd haw° Im nach seinem rechten Arm • versetzt Er dir das fu°rbas • so Raiß Im zwifach nach mit ainnem stich nach seinnem gesicht • oder der pru°st • begert Er dir dann also nach zu° raisen • so trit mit deinnem rechten schennckel zu°ru°ckh vnd haw° Im Indes zwifach nach seinnem hau°pt • haw°t er dir dann zwifach nach so tritt mit deinnem rechten fu°oß fu°r seinnen • lincken vnnd wind mit deiner ku°rtzen schneid au°f sein lannge • au°f sein lincke seitten • Indes schneid Im nach seinem gesicht oder dem hals

top

119r [Pdf-Seite 241]

Ein vnders Mu°ndiern mit ainem Geferhaw
7

Item wann du° mit dem Zu°fechten zu° dem man ku°mpst • so schickh dich also mit dem vnndern Mu°ndiern • stee mit deinnem Rechten fu°oß vor die lanng schneid vnnden • das hefft beÿ deinnem rechten knie • das der Ort zwischen deinnen painnen hinau°f gee • Indes gee au°f vnd volg mit deinnem lincken schenckel hinnach das dein lannge schneid oben gewenndt seÿ • der Ort gegen dem Man • vnd volg mit deinnem rechten fu°oß wider hinnach vnd haw° Im mit lannger schneid nach seinnem hau°pt • stastu° dann also gegen Im Inn dem Cheferhaw° • deinnen rechten fu°oß furgesetzt • vnd er also au°f dich haw°t • so setz deinnen rechten schennckel wider zuruckh vnnd gee mit deinnem Du°seggen wol au°f vber dein hau°pt • das die lanng schneid oben stee • so ist Im der haw° versetzt • Indes arbait behendigelich nach der schweche vnd stercke • von ainner plosse zu° der andern • vnnden vnd oben su°cht Er dir dann deinne plösse also • oben du°plier vnden Mu°ndier • gegen seinem gesicht • so blendstu° In • das du° ain voligen straich au°f In gehaben magst • zu° seinem hau°pt • setz er dir den also ab so haw° ainen Creitzhaw° vor seinem gesicht nach seinem rechten arm

top

119v [Pdf-Seite 242]

Zwaÿ leger darau°ß die Creytzhew° gand
8

Item wann Ir mit dem Zufechten zu°samen koment • so schickh dich also mit disem Leger deinnen Rechten fu°oß fu°rgesetzt • dein du°seggen mit dem hefft beÿ deinnem rechten knie dein linncke hannd hinden beÿ dem Ort • haw°t er dir dann oben nach deiner plösse • so gee au°f mit deinnem Du°seggen vber dein hau°pt • das dein linncker fu°oß fu°rgesetzt seÿ • so ist Im der haw° versetzt Indes haw° Im mit ainnem dopelten Creu°tzhaw° zu° seinnem hau°bt • haw°t Er dir dann also zwifach oben ein vnnd du° deinen Du°seggen au°f deinnem Rechten schennckel hast • die lanng schneid gegen dem Man den ort gegen der erden deinnen rechten fu°oß fu°rgesetzt • so verscheu°b Im das Creu°tzweÿß • mit deinner ku°rtzen schneid Indes setz Im mit ainem vnndern schnit an seinen rechten arm vnnd greiff mit deiner lincken hand an seinnen rechten Elenpogen • so scheu°bstu° In von dir • volg mit deinnem lincken schenckel hinnach vnd haw° Im zu° der obern plösse • scheu°bt er dich also von Im vnnd begert dir oben ein zu° haw°en • so spring mit deinnen lincken fu°oß hinder sich • so kannst du° wideru°mb zu° deiner arbait komen •

top

120r [Pdf-Seite 243]

Des empfinden schwech vnnd sterckh
9

Item wann Ir mit dem Zufechten zu°samen ku°ment • so setz deinnen rechten fu°oß vor • vnnd haw Im entgegen • vnd Inn dem anpu°nd • so empfind ob er waich oder hert seÿ ann seinnem du°seggen : Ist er hert vnnd hellt dir starckh wider • so volg mit deinnem lincken schenckel hinnach vnnd laß die schwech behend lau°ffen • vnnd haw° Im nach seinnem hau°pt • seinner Rechten seitten • haw°t Er dir dann also oben zu° • vnnd du° dich au°ch gogen Im haw°st Inn das anpinden deinnen rechten fu°oß fu°rgesetzt • so volg mit dem lincken hinnach vnd versetz Im seinen haw° mit der sterckh • deines Du°seggens • Indes trit mit deinnem Rechten schennckel wider hinnein vnd haw Im nach seiner lincken seiten • versetzt er dir das so zeu°ch den rechten fu°os wider zu°ru°ckh vnd stich Im zu° seinnem gesicht • sticht er dir dann also nach deinnem gesicht • so nimb den stich hinweckh mit deinner ku°rtzen schneid • vnnd schneid Im mit lannger schneid nach seinnem angesicht • schneidt Er dir also nach deinem angesicht • so fall • Im kru°mp ein so hastu° den schnit als gu°t als er • vnnd magst mit Im arbaiten alle vorige stu°ckh / •

top

120v [Pdf-Seite 244]

Ein schnit mit ainnem Reÿssen
10

Item wann du° Fu°r den Mann ku°mpst • so schickh dich also mit deinnem Du°seggen • das der recht fu°oß vor stee • streckh deinnen arm wol von dir vnd schneid Im nach seinnem hau°pt • begert er dich also zu° schneiden • vnnd du° au°ch mit dem rechten fu°oß gegen Im steest • so haw° einnen geraden haw° • Im zu° dem hau°pt • vnnd Inn dem einhaw°en fall Im mit deinnem gehultz vber seinnen rechten arm • beÿ seinnem du°seggen • vnnd reÿs damit vnndersich • so hastu° Im den schnit prochen Indes volg mit deinnem lincken schennckel hinnach au°f sein rechten seitten • vnnd haw° Im mit der zwirch zu° seinnem hau°pt • Zwircht er dir also zu° deinnem hau°pt • so setz deinen rechten schennckel • zu°ru°ckh vnnd verscheu°b Im die zwirch mit deinner lanngen schneid Indes scheu°ß Im mit deinnem du°seggen • zu° seinnem gesicht • wirt Er des einschiessens gewar • vnd versetzt dir das • so trit mit deinnem Rechten fu°oß wider hinein vnnd laß ain zwifachen feler behennd lau°ffen • Indes haw° nach seinnem rechten arm • haw°t er dir also deinner rechten seitten zu° • so trit Inn • trianngel vnnd wend die lanng schneid vber dein hau°pt so geet der haw° hinweckh • au°f deinner langen schneid Indes raiss Im zwifach nach vnd haw° Im zu° seinner obern ploß •

top

121r [Pdf-Seite 245]

Zwenn ober schnit
11

Item schickh dich Also Inn den obern schnit • stand mit deinnem rechten fu°oß vor vnd schneid In gestrackt von oben nider au°f seinnen rechten arm • wirt er des schnits gewar • so greif mit deinner linncken hand au°f deinnes du°seggens ru°cken • vnnd schneid In mit der sterckh von dir, Begert er dich also mit der sterckh zu° schneiden • vnd du° mit deinem rechten fu°oß vorsteest • so trit mit dem rechten zu°ru°ckh • so geestu° Im au°ß dem schnit Inndem gee mit deinnem rechten fu°oß wider hinnein mit deinem du°seggen • vber dein hau°pt das die lanng schneid oben gewenndt seÿ • der Ort zu°ru°ckh hanng • Indes volg mit deinnem lincken schennckel hinnach • vnd haw° ain zwifahen haw° nach seinnem hau°pt • begert er dir das zu° u°ersetzen • mit der zwirch so greiff mit deinner lincken hand vber sein rechten hand • vnnd Nimb Im die versatzu°ng hinweckh • so magstu° Im wider der obern plosse zu°haw°en • haw°t er dir also zwifach deiner obern plosse zu° • so greiff mit deiner lincken hand nach seinem rechten Elnpogen vnd wend In also von dir • haw oder schneid In damit zu° seinem hau°pt

top

121v [Pdf-Seite 246]

Einn einschiessen go°gen der Kron
12

Item schickh dich Also mit dem Einschiessen • setzt deinnen Rechten fu°oß fu°r • vnnd scheu°ß Im dem Ort nach seinnem gesicht oder der pru°st mit gestracktem arm • scheust Er dir also den ort nach deinnem gesicht • vnnd du° gögen Im steest Inn der Kron • deinen Linncken fu°oß fu°rgesetzt • so nimb Im das hinweckh mit der kron Indes wind dich au°ß der kron • Inn die versatzu°ng dein du°seggen vber dein hau°pt volg mit deinnem rechten schennckel hinnach • vnd haw° Im von vnnden nach seinnem rechten arm • versetzt er dir das • so laß ablau°ffen • vnd haw° Im oben nach seiner rechten seitten • haw°t Er dir also vnnden vnd oben zu° • so fall Im kru°mb ein vber seinen rechten arm • vnnd trit mit deinnem linncken schenckel hinnein setz dein lincke hand an seinen rechten Elnpogen • scheu°b In damit vonn dir so magstu° In oben zu° dem kopff haw°en • hat er dir dann angesetzt • vnd scheu°bt dich also von Im • so zeu°ch deinnen rechten fu°oß zu°ru°ckh • so gastu° Im au°ß dem ansetzen • vnnd kompst mit Im zu° gleicher arbait Indes stich Im mit deinem ort zu° seinem gesicht • setzt Er dir das ab so trit mit deinnem rechten schennckel wider hinein • vnd haw° Im von vnden zu° seiner lincken seiten • Indes haw° dich mit ainnem oberhaw° von Im •

top

122r [Pdf-Seite 247]

Ein schaitelhaw mit ainem abnemen
13

Item wann du° mit dem Zu°fechten zu dem Mann ku°mpst so schickh dich also, Inn den schaitelhaw° • stee mit deinnem rechten fu°oß vor vnnd haw° • mit gestracktem arm nach seinnem hau°pt • haw°t Er dir also gerad oben ein vnd du° mit deinnem lincken fu°oß vorsteest • so haw° au°ch gleich mit Im ein • vnd Inndem einhaw°en • so greif Im mit deinner linncken hannd nach seinner rechten • so magstu° deinnem abnemen nachkomen • vnnd magst Im denn schaitelhaw° zu° seinnem hau°pt fiern • hat er dir also abgenommen • vnd schaitelt dir • so trit mit deinnem lincken fu°oß • fu°r seinnen rechten • vnd begreÿff Im mit deinner linncken hand sein rechte vornen beÿ dem du°seggen • so magstu° In du°rch das angsicht Schneiden • begert Er dich also du°rch das angesicht zu° schneiden so trit mit deinnem lincken fu°oß hinder sich vnnd wind dich au°f mit deinnem du°seggen • au°ff dein rechte seitten das die lanng schneid oben stee • haw° Indes behend au°f sein lincken seitten • versetzt er dir das so spring mit deinnem rechten fu°oß au°f sein rechten seitten • vnnd haw° Im mit ainnem dopelten Creitzhaw° nach seinnem hau°pt

top

122v [Pdf-Seite 248]

Ein vnnderer schnit mit ainnem Zwerchhaw
14

Item schickh dich allso Mit dem zufechten • Inn den vnndern schnit • stee mit deinnem lincken fu°oß vor • vnnd thu°o sam wollest du° Im oben einhaw°en • Indes greiff mit deinner lincken hannd vornen • Inn den du°seggen • vnd wind dich In den vnndern schnit nach seinnem rechten arm • stastu° dann gegen Im mit deinnem lincken fu°oß vor • Inn dem zwirchhaw° vnnd Er dir also nach deinnem rechten Arm • schneidt • so wind dich mit deinnem du°seggen vber den seinnen • vnnd reÿss damit an dich so hastu° Im den schnit prochen • vnnd magst In schneiden • begert er dir das zu u°ersetzen • so trit mit deinnem linncken schenckel zu°ru°ckh vnnd stich Im nach seinem gesicht sticht sticht er dir dann also nach deinnem gesicht so verscheu°b Im das mit dem pogen • trit mit deinnem rechten fu°oß hinnach vnd haw° Im nach seinner linncken seitten • versetzt er dir das • so trit mit deinnem rechten fu°oß zu°ru°ckh vnd haw° Im die zwirch nach seinnem rechten Arm • haw°t Er dir also zu° deinner rechten seitten • so rais Im mit deinnem lincken fu°oß nach • vnd haw° Im von vnnden • nach seinnem Rechten Elenpogen • versetzt Er dir das • so laß Indes behennd ablau°ffen • vnd haw° Im oben nach seinem rechten arm •

top

123r [Pdf-Seite 249]

Ein oberer schnit mit ainnem Absetzen
15

Item wann du° mit dem Zu°fechten zu° dem Mann kömpst • so schickh dich also mit dem obern schnit stee mit deinnem rechten fu°oß vor • vnd haw Im mit ainnem gestracktem oberrhaw° nach seinnem hau°pt • schneid Im damit nach seinnem angsicht begert Er dich also zu° schneiden • so trit mit deinnem rechten fu°oß hinnein vnd verscheu°b Im den schnit mit deinner lanngen schneid Indes greif mit deinner lincken hand vornen • Inn deinnen Du°seggen vnnd mit deinnem Ort fall • Im ann seinnen hals Reÿß In damit zu° dir • Indes volg mit deinnem lincken schennckel hinnach • so magstu° In werffen • begert er dich also zu werffen • so trit mit deinnem rechten fu°oß zu°ru°ckh vnd ku°m mit deinner lincken hand • deinnem du°seggen zu° hilff vnd schneid In also mit der sterckh • von dir so wirstu° des wu°rffs ledig Indes sprinng wideru°mb hinnein • vnd haw° Im mit aim schaitler • zu° seinnem hau°pt • versetzt er dir das • so heng au°f dein lincken seitten vnd haw° Im zwifach wideru°mb lang oben ein • haw°t er dir also zwifach oben ein so wind dich vnder seinnem haw° du°rch mit deinnem Du°seggen • wol vber dein haw°pt In gu°te versatzu°ng vnnd thu° sam wollest du° Im oben einhaw°en • vnd stich Im nach seinnem gesicht

top

123v [Pdf-Seite 250]

Ein Zornhaw go°gen ainem obern schnit
16

Item schickh dich Also mit dem zornhaw° trit mit deinnem rechten fu°oß hinein vnnd haw° Im gwaltig oben ein zu° seinnem hau°pt • haw°t Er dir also zornig oben ein • so trit mit deinnem rechten fu°oß Innwendig fu°r seinnen rechten • vnnd greiff mit deinner lincken hannd Inn der mit Inn den du°seggen • vnnd setz Im vnden an sein rechte hand so kompt Im dein gehu°ltz au°f sein hau°pt • Indes schneid oben fast von dir • vnnd zeu°ch mit deinnem Rechten fu°oß vnden zu dir so schneidstu° In zu° der Erden • hat er dir also vnnden vnnd oben angesetzt • vnd begert dich zu° der Erden zu° schneiden • so trit mit deinnem rechten fu°oß zu°ru°ckh vnd haw° oben starckh nach seinnem lincken arm so wirstu° der ansetzen ledig vnnden und oben • Raist er dir dann fu°rbas nach so haw° dich von vnnden In die zwirch • nach seinnem rechten arm zwircht er dir dann allso nach deinner rechten seitten so trit mit deinnem lincken fu°oß hinnein vnd versetz Im das mit deinner lanngen schneid • vnd haw° Im mit ainnem zwifahen feler nach seinnem hau°pt begert Er dich allso oben zu°u°erfiern • so greiff Indes mit deinner lincken hand nach seinner rechten vnnd gee mit deinnem du°seggen au°f vber dein hau°pt • Inn die zwirch • so hastu° Im das vor Abgenomen •

top

124r [Pdf-Seite 251]

Einn verkerer mit ainnem Dopelten oberhau
17

Item wann du° mit Dem zu°fechten zu dem Mann kompst so schickh dich also, stannd mit deinnem lincken fu°oß vor • vnd haw° Im zwifach oben ein Indem alsbald du° seines du°seggens empfindest • so volg mit deinem rechten schenckel hinnach • vnd greiff mit deinner linckhen hannd nach seiner rechten Vchsen vnd scheu°b Inn damit von dir so verkerstu° In • verkert Er dich also • vonn Im • vnnd du° mit deinnem Rechten fu°oß vorsteest • Inn dem verkerer • so zeu°ch deinnen lincken fu°oß zu°ru°ckh • vnd stich Im zwifach nach seinnem gesicht • oder der pru°st • versetzt Er dir das so volg mit deinnem rechten fu°oß wider hinein • vnd haw° Im nach seinem hau°pt • wirt er des haw°s gewar vnd versetzt dir den fu°rbas • so ganng au°f mit deinnem Du°seggen fu°r dein hau°pt • das der Ort au°f der lincken seitten hanng • vnd greiff mit deinner lincken hand nach deinnem Ort • vnd schlag In mit dem gehu°ltz nach seinnem hau°pt • haw°t Er dir dann also mit seinnem hefft • au°f dich • so verscheu°b Im das mit der kron • Indes laß behennd ablau°ffen vnnd haw° Im mit der zwirch zu° seinnem hau°pt • versetzt Er dir das • so haw° von ainner plösse zu° der andern • vnnden vnd oben wa du° In ploss findest •

top

124v [Pdf-Seite 252]

Ein zwirchhaw go°gen dem Kru°mphaw°
18

Item schickh dich also mit Mit disem zwirchhaw° trit mit deinnem lincken schennnckel hinnein vnd haw° Im gestrackht mit ainnem zwirchhaw° nach seinnem hau°pt • seinner rechten seiten Zwircht Er dir dann also zu° vnnd du° mit deinnem rechten fu°oß vorsteest • so volg mit deinnem lincken hinnach vnnd fall Im kru°mb ein au°f sein rechten seitten Inndem schneid In du°rch sein angesicht vnnd haw° Im nach seinnem rechten arm • versetzt Er dir das • so haw° Im von vnden nach seinner Rechten seitten • haw°t er dir also vnden zu° so greiff mit deinner lincken hand oben vber sein rechte • vnnd tru°ckh damit vnnder sich so ist Im der haw° geprochen • vnnd haw° Im oben zu° dem hau°pt • hat er dich also gefast • so trit mit deinnem rechten schennckel hinnein vnd greiff mit deinner lincken hand nach seinnem rechten arm • so nimbstu° Im den haw° damit hinweckh • vnd magst mit Im zu° gleicher arbait komen ist er also Inn gleicher arbait mit dir • so haw° Im Inndem krad zu° der schaittel versetzt Er dir das • so spring mit deinnem lincken fu°oß wol au°f sein lincken seiten vnd far mit dem du°seggen au°f vber das hau°pt • vnnd • haw° Im behennd zwifach oben ein haw°t Er dir also zwifach ein • so setz Im das kru°mb ab mit deiner ku°rtzen schneid • so magstu° Inn darnach haw°en oder schneiden •

top

125r [Pdf-Seite 253]

Ein wu°rff au°ß dem Hagcken
19

Item schickh dich Also mit dem zu°fechten • haw° dich freÿ • lanng mit ainnem oberhaw° gestrackts zu° Im hinnein • haw°t er dann au°ch au°ß lanngen hew°en • zu° dir • so trit mit deinnem rechten fu°oß Innwendig hinder seinen lincken • so ku°mpstu° • In den hacken • kompt er dir also Inn den hagcken • so fal Im kru°mp ein mit deinem Rechten arm vber den seinnen vnnd mit deinner lincken hand vmb seinnen hals vornen vnd zeu°ch mit dem hacken an dich • so magstu° In werffen • begert er dich also zu° werffen • so spring mit deinnem lincken fu°oß hinder seinen lincken vnd greiff mit deiner lincken hand nach seinem lincken Elenpogen • so entgeestu° Im vnden vnd oben • Indes haw° dich mit ainem oberhaw° von Im • Reist er dir dann nach so wind dich au°f mit deinem Duseggen • vber dein hau°pt • Inn gu°te versatzu°ng vnd In dem nachraisen • so setz Im seinnen haw° ab mit deinner lanngen schneid Indes stich Im nach seinem gesicht oder der pru°st • will • er dir das fu°rbas absetzen • so schneid Im oben nach seinnem hau°pt • will er dir den obern • schnit weern • so prau°ch die vnndern zwen schnidt • von baiden seitten •

top

125v [Pdf-Seite 254]

Der alber vom tag Go°gen dem vndern wechsel haw° •
20

Item schickh dich Allso Inn den alber vom tag • stand mit dein gleichen fu°ossen au°frecht • dein du°seggen ob deinnem hau°pt • das der Ort zu°ru°ckh hang • Indes trit mit deinem rechten schennckel hinnein • vnd nimb den stich hinder deinem hau°pt • von deiner lincken zu° seinner rechten seitten • steestu° dann Inn dem wechsel • deinen Rechten fu°oß furgesetzt vnnd er den ort allso dich fiert • so wind dich au°f au°ß dem wechsel deinen lincken fu°oß fu°rgesetzt vnd setz Im den stich ab mit deiner lanngen schneid Indes trit Inn triangel • vnd haw° Im oben lang ein zu° seinem hau°pt versetzt Er dir das • so trit mit deinem rechten schenckel au°f sein lincken seitten • vnd haw° Im wider der obern ploß zu° • haw°t Er dir also zwifach oben ein so versetz Im das mit deiner langen schneid • vnd trit mit deinem lincken schenckel fu°r seinen rechten • Innwendig Inndem greiff mit deinnem lincken arm vber seinen rechten • so magstu° In zu° seinem hau°pt haw°en • Hat er dich also gefast • so greiff mit deiner lincken hand In seinen rechten arm • vnd scheub In von dir • so wirstu° deines rechten arms au°ch ledig Indes trit mit deinem lincken fu°oß fu°r seinen rechten vnd wind dich damit au°ß seinem arm au°f dein rechten seitten das dein lange schneid oben gewendt seÿ vnnd trit mit deinem lincken schenckel zu°ru°ck haw° dich damit lang von Im hinweckh

top

126r [Pdf-Seite 255]

Ein armpru°ch go°gen ainem Einschiessen
21

Item wann du° mit Dem zu°fechten zu° dem Man kompst • so trit mit deinem rechten fu°oß hinein vnd haw° Im oben lanng ein zu° seinem hau°pt • begert er dir das • zu° u°ersetzen • so haw dich Inn den windhaw° vnd trit mit deinnem Rechten schennckel zu°ru°ckh vnd haw° Im nach seinem rechten • arm • haw°t er dir also nach deinem rechten arm vnd du° mit deinem rechten fu°oß vorsteest so versetz Im das mit deinner lanngen schneid, Indes haw° Im von vnnden nach seiner rechten seitten • versetzt er dir das fu°rbas so su°ch Im behend die nechsten plösse • Su°cht er dir deine plossen also • so gee au°f In die zwirch wol uber dein hau°pt das dein lincker fu°oß vorstee • vnd haw° Im nach seinnem rechten arm • versetzt er dir das • so haw° Im lanng ein nach seiner rechten seitten • haw°t er dir also zwifach ein so versetz Im das vnd trit mit deinem rechten schenckel au°f seinen rechten vnd scheu°ß Im den Ort zu° seinem gesicht • scheu°st er dir den ort also zu° deinnem gesicht • so verscheu°b Im das • mit deiner langen schneid Indes trit mit deinem lincken schenckel hinein vnd fall mit deinnem gehu°ltz vber seinen rechten arm greiff mit deiner lincken hand an seinen rechten Elenpogen • vnd wend dich au°f dein lincken seitten • so prichstu° Im den arm • vnd magst In au°ch werffen •

top

126v [Pdf-Seite 256]

Ainn do°ppelhaw go°gen dem winden
22

Item schickh dich Allso Inn den doppelhaw° • stee mit deinem Rechten fu°oß vor vnnd haw° Im mit der ku°rtzen schneid nach seinem hau°pt • haw°t er dir also nach deinem hau°pt • vnd du° gegen Im steest • Inn dem winden • so nimb seines haw°es wahr vnd trit mit deinem rechten schenckel gegen Im Indes wind dich gegen Im vnd Inn dem winden greiff mit deiner lincken hand vornen • Inn seinenm du°seggen beÿ seinem Ort • Inndem volg mit deinem rechten schennckel hinnach vnd wind dich damit au°f sein rechten seitten • windt er dir also au°f dein rechte seitten • so trit mit deinnem lincken fu°oß hinein vnnd setz Im mit deinner lincken hand vnnden an sein rechten Vchsen • vnd scheu°b In also von dir so wirstu° seines du°seggen ledig vnnd haw° Im mit ainem zwirchhaw° nach seinnem Rechten arm • so lempstu° Im den arm• Indes zuckh deinen lincken fu°oß hinder sich vnd haw° Im von vnden au°f nach seinem angsicht • Haw°t er dir also vnnden zu° • so verscheu°b Im das mit deinner lanngen schneid • Inndem volg mit deinem lincken fu°oß hinnach vnd wind Im den Ort zu° seinem gesicht • versetzt er dir das • so haw° Im zwifach nach seinem rechten arm • hat er dir also zu°gehaw°en so trit mit deinem lincken schenckel au°f sein rechte seitten • vnd stoß In mit deiner lincken hand an seinen rechten Elnpogen • so magstu° In schneiden vnden • Oder oben •

top

127r [Pdf-Seite 257]

Ein absetzen gögen ainnem schnidt
23

Item wann du° mit Dem zu° fechten zu° dem Man kompst so schickh dich also trit mit deinem lincken fu°oß hinein vnnd haw° Im von vnnden • nach seinem rechten Elnpoggen • begert er dir das zu° u°ersetzen • so trit mit deinnem lincken fu°oß hinder sich vnd haw° Im nach seiner lincken seitten mit ainem zwifachen Creitzhaw° • haw°t er dir also zu° • vnd du° mit deinnem rechten fu°oß vorsteest • so versetz Im das mit deinner langen schneid Indes haw° Im nach seiner rechten seitten • versetzt er dir das • so volg mit deinem lincken schennckel hinnach vnd stich Im nach seinem gesicht • wirt er des stichs gewar vnnd begert dir den zu° u°ersetzen • so haw° Im oben lanng ein zu° seinner schaitel • haw°t er dir dann also oben ein so trit mit deinnem lincken schenckel wideru°mb hinein vnd Inn dem trit • so haw° als woltestu° In zu° seinem hau°pt haw°en • Indem greiff mit deinner lincken hand vornen Inn deinen du°seggen • vnd far Im vornen mit deinem ort vmb seinen hals trit mit deinem rechten fu°oß Innwendig fu°r seinen rechten • vnd reiß damit au°f dein rechte seiten so reisstu° In zu° der Erden •

top

127v [Pdf-Seite 258]

Die zwu° höchsten Rhu°or des du°seggens
24

Item wann du° Inn Dem • zu°fechten fu°r den Man kompst • so schickh dich also mit der ersten obern Rhu°or • trit mit deinem rechten fu°oß zu° Im hinein vnd haw° Im nach seinnem hau°pt • versetzt er dir das • so volg mit deinnem lincken schenckel hinnach vnd haw° Im nach seinem rechten arm • so er dir also nach deinem rechten arm haw°t vnd du° mit deinem rechten fu°oß vor steest • so haw° Im mit gestracktem arm nach seinner grossen zehen seines rechten fu°oß •  In dem trit mit deinnem lincken schenckel hinein vnd haw° Im von vnden von deiner rechten seitten zu° seinem rechten Elenpogen • versetzt er dir das so haw° Im behend mit ainem Zwirchhaw° zu° seinner rechten seitten seinnes kopfs • zwircht er dir also zu° • so versetz Im das mit deiner langen schneid Inn dem trit mit deinem rechten fu°oß zu° Im hinein • vnd fal Im kru°mb ein vber seinen rechten arm • schneid In damit zu° dem angsicht • schneidt er dir also nach deinnem gesicht • so greiff Im mit deiner lincken hand nach seiner rechten • vnd scheub In also von dir • haw° Im damit der obern plosse zu° •

top

128r [Pdf-Seite 259]

Ain falscher Ort • gegen ainem verhawnen wechsel
25

Item schickh dich also mit Dem zu°fechten setz deinen rechten fu°oß vor • vnnd haw° dich mit deinem Du°seggen fu°r deinnem rechten fu°oß hinau°ß gögen der Erden Inn dem trit mit deinnem lincken schenckel hinnach vnd gee mit deinem du°seggen au°f vnd wind Im deinen Ort hinder deinnem hau°pt • von deinner lincken • seiten au°f sein rechte • zu° seinem gesicht • sticht er dir also nach deinnem gesicht vnd du° mit deinnem lincken fu°oß vorsteest • Inn dem verhawnen wechsel • so setz In zu°ru°ckh vnd nimb den Ort mit deinnes du°seggen ru°ckhen hinweckh Inn dem volg mit deinnem rechten schennckel wider hinach vnd haw° Im zwifach nach seinnem hau°pt mit ainem dopelten feler • versetzt er dir das • so wind Im den ort zu° seinnem angesicht Indes haw° Im mit ainem Creÿtzhaw° nach seinnen rechten arm • haw°t er dir also nach deinnem rechten arm • so nimb Im den haw° hinweckh mit deinner ku°rtzen schneid vnd schneid Im damit nach seinnem hau°pt • so du° des schnits gewar wirst so nimb Im den schnit hinweckh mit der Kron • Indes haw° vnnd stich Im nach seinem hau°pt •

top

128v [Pdf-Seite 260]

Der Zwerchhaw° vonn baiden seiten
26

Item wann du° mit Dem zu°fechten zu° dem Man kompst • so schickh dich also mit dem zwirchhaw° • trit mit deinnem rechten fu°oß zu° Im hinein vnd haw° Im den zwirchhaw° von deinner rechten Achsel zu seinner rechten seitten • zwircht Er also gögen dir • vnnd du° au°ch gögen Im steest Inn dem zwirchhaw° deinnen rechten fu°oß fu°rgesetzt • so versetz Im das mit deinner lanngen schneid • Indes zwirch au°ch gögen Im au°f sein rechten seitten • versetzt er dir das • so volg mit deinnem lincken schennckel hinnach vnd haw° Im lanng oben ein • zu° seinnem hau°pt • haw°t Er dir dann allso zwifach oben ein • so setz Im das ab mit deinner ku°rtzen schneid vnd trit mit deinnem lincken schennckel zu° Im hinnein • greiff mit deinner lincken hand nach seinnem rechten Elnpogen • vnd wind dich mit Deinnem du°seggen vnder seinnen rechten arm • deiner lincken hand zu° hilff • so schneidstu° In • vnd Imdem schnidt • scheu°b In also von dir vnd haw° Im nach seinem hau°pt • haw°t er dir dann also oben ein • so setz deinen linncken schennckel wideru°mb zu°ru°ckh vnd versetz Im das mit der Kron • so magstu° In schneiden • Indes arbait mit Im von ainer seitten plosse zu° der anndern •

top

129r [Pdf-Seite 261]

Ein schnit mit ainem Du°seggen nemen
27

Item schickh dich Also mit dem zu°fechten Inn dem schnit • stannd mit deinnem lincken fu°oß for vnd nimb seines haw°s war • haw°t er dir dann mit obern hew°en zu° so gee Im mit dem vndern schnit nach seiner rechten seiten • vnd Inn dem schnit greiff mit deiner lincken hannd Inwenndig vber seinnen rechten arm • das dir sein Du°segg zwischen deinen armen seÿ so magstu° Im seinnen du°seggen Nemen Inn dem trit mit deinnem rechten fu°oß fu°r seinen rechten • vnnd wind dich au°f sein rechten seitten • so prichstu° Im den arm • begert er dir den arm also zu° prechen • so ku°m mit deinner lincken hand deinner Rechten zu hilff so wirstu° des armpru°chs ledig Inndem volg mit deinnem linckhen schennckel hinnach vnd greiff mit deinner lincken hand nach seinnem rechten schennckel • vnd mit der rechten setz Im vornen an seinen hals zeu°ch vnnden mit der lincken hand zu° dir • vnnd scheu°b oben von dir • so wirfstu° In an den ru°ckhen •

top

129v [Pdf-Seite 262]

Die hut vom tag vnd der bogen darau°ß Ain wu°rff geet
28

Item wann du° mit Dem zu°fechten zu° dem Mann kompst • so trit mit deinnem rechten fus zu Im hinein • vnd schickh dich also Inn die hut vom tag • streckh deinen arm wol au°f vber dein hau°pt • das dein lannge schneid oben gewenndt seÿ • der Ort zu°ru°ckh hanng Indes wind Im deinen ort zu° seinnem gesicht • oder der pru°st • versetzt er dir das • so trit mit deinem lincken schennckel hinein vnd haw° Im mit der zwirch nach seinnem rechten Arm • versetzt er dir das virbas • so schaitel Im zu° seinem hau°pt • haw°t er dir dann also zwifach zu° • so versetz Im das mit dem bogen • vnd volg mit deinnem linncken schenckel hinnein Inn dem haw° Im nach seinnem angsicht • versetzt er dir das so wind dich au°f dein rechten seitten mit deinnem Du°segen • wol au°f vber dein hau°pt • volg mit deinnem Rechten schennckel hinach vnnd stich Im zu seinner pru°st • sticht er dir also zu° deinner pru°st • so setz Im das ab mit deinner lanngen schneid Indes haw° Im vonn vnnden nach seinem rechten arm • setzt er dir das ab so haw° Im von oben • nach seinnem rechten arm • haw°t Er dir dann also nach deinnem rechten arm so versetz Im das mit dem bogen • Indes • greiff mit deinner lincken hand nach seinem rechten fu°oß • zeu°ch damit an dich vnnd stich Im mit deinnem du°seggen • nach seinen gemechten so magstu° In werffen •

top

130r [Pdf-Seite 263]

Ain du°seggen nemen mit ainem Wu°rff
29

Item schickh dich Allso mit disem stu°ckh stee mit deinnem lincken fu°oß vor • vnd haw° dich mit obern hew°en zu° Im • wann du° dann zu° Im kompst • so trit mit deinnem rechten fu°oß hinnein • vnd haw° Im au°ß dem kru°mphaw° nach seiner lincken seitten seinnes hau°pts • haw°t er dir dann also kru°mb ein • vnnd du° mit deinnem rechten fu°s vorsteest • so versetz Im das mit deiner ku°rtzen schneid • Indes schneid In mit lannger schneid zu° seinnem hals • will er dir das versetzen • so trit mit deinnem lincken schennckel hinnein vnd haw° Im von vnnden nach seinem rechten arm • Indes zeu°ch deinen lincken schennckel wider zu°ru°ckh vnd haw° Im von • vnden nach seiner licken seitten • haw°t er dir also zu° deiner linncken seitten • so nimb seins haw°s war vnd trit mit deinem lincken schenckel hinein • vnd haw° Im oben lanng zu° dem hau°pt • Inndem • greiff mit deinner lincken hand vber seinen du°seggen • Inn seinnen rechten arm • vnnd wend In damit au°f dein rechten seitten • so nimbstu° Im den du°seggen • Indes • setz Im den ort deines Du°seggens an seinnen hals setz er dir also an • so laß Im deinen du°seggen • vnd greiff mit deiner lincken hand an seinen lincken Elnpogen • vnd mit der rechten zwischen seinne fu°oß so wirfstu° In •

top

130v [Pdf-Seite 264]

Der Lu°ginslannd go°gen ainnem Wu°rff
30

Item wann du° mit dem Zu°fechten zu dem Man kompst • so schickh dich also Inn den lu°ginslannd • trit mit deinnem lincken schenckel hinein vnd halt dein du°seggen ob deinnem hau°pt • das die lanng schneid oben gewendt seÿ • der Ort gegen dem Mann • Indes trit mit deinnem rechten schenckel hinnein vnd stich Im mit deinem ort zu° seinnem gesicht versetzt er dir das so haw° Im mit lannger schneid nach seinem hau°pt • sticht vnnd haw°t er dir also • so versetz Im das • vnd trit mit deinem lincken schenckel hinnach • vnd haw° Im nach seinnem rechten fu°oß • begert er dir das zuu°ersetzen • so trit zu° Im wol In pu°nd hinnein mit deinem rechten fu°oß • vnd haw° Im mit ainnem Creitzhaw° nach seinem angsicht • haw°t er dir also nach deinem angsicht • so trit mit deinnem lincken schennckel hinein • vnd versetz Im das mit deiner lanngen schneid Indes haw° Im nach seinnem rechten arm • haw°t Er dir also zu° so trit mit deinem rechten schenckel wideru°mb zu°ru°ckh Indes laß deinnen du°seggen fallen vnd greiff Im mit deiner rechten hand nach seinnem lincken schenckel vnd mit der lincken hand nach seinnem lincken Elnpogen • so nimbstu° Im das gwicht • vnd magstu° In zu°ru°ckh werffen •

top

131r [Pdf-Seite 265]

Ein schaitler go°gen dem bogen
31

Item schickh dich Also mit dem zu°fechten In disem stu°ckh haw dich freÿ lanng vnnd hoch zu Im hinnein Inn dem schaitelhaw° so du° dann zu° Im kompst so trit mit deinnem lincken schennckel hinein vnd scheu°ß Im mit ku°rtzer schneid zu° seinem gesicht • versetzt er dir den stich • so laß ain doppelten feler lau°ffen • volg mit deinnem rechten schenckel • hinein vnd haw° Im oben zu° seinner rechten seitten seinnes hau°pts • haw°t er dir also zu° • so trit mit deinnem rechten fu°oß zu Im hinnein vnd verscheu°b Im das mit dem Boggen • das dein gehu°ltz wol vor deinem hau°pt stee • Indes volg mit deinnem lincken schennckel • hinnach vnd wind dich In den zwifachen schnit • Indes schneid Im nach seinnem gesicht • versetzt er dir das • so volg mit deinnem rechten schennckel hinnach vnd haw° Im mit lannger schneid nach seinnem hau°pt • haw°t er dir also oben zu° • so trit mit deinem lincken schenckel hinnein vnd verfall au°f dein rechte seitten vnd haw° Im lanng oben ein zu° dem hau°pt seiner rechten seitten • Indes greiff mit deinner lincken hand nach seiner lincken Achsel • vnd scheu°b In also von dir scheu°bt er dich also von Im • so trit mit deinnem lincken fu°oß fu°r seinen lincken • greiff Im mit deiner lincken hand In sein lincke kniepu°g • vnd schneid In au°ß dem bogen zu seinnem gesicht •

top

131v [Pdf-Seite 266]

Ain du°seeggen nemen mit ainem Armpru°ch
32

Item schickh dich Allso mit dem zu°fechten • trit mit deinem lincken schenckel hinnein vnd haw° Im mit ainem doppelhaw° nach seinnem hau°pt • versetzt Er dir das • so volg mit deinem rechten schennckel hinnach • vnd zwirch Im zu° seiner rechten seitten • versetzt er dir das fu°rbaß so setz deinen lincken schenckel au°f sein rechte seitten Inndem wind deinen du°seggen zu° seinem gesicht • zu seiner lincken seiten • das die lanng schneid oben stee sticht er dir allso zu° deinem gesicht • so trit mit deinem rechten schenckel hinnein vnd setz Im das ab mit deiner langen schneid • Indes setz deinen lincken schenckel fu°r seinen lincken vnd fall Im mit deinem gehultz vber seinen rechten arm • so haw°stu° In du°rch sein hau°pt • Indem greiff mit deiner lincken hand nach seinem rechten Elnpogen • so brichstu° Im den arm • begert er dir den arm also zu° prechen • vnd er dir vbergfallen ist mit seinem gehultz • so greiff mit deiner lincken hand nach seinem rechten Elnpogen • mit deinem du°seggen vber seinen rechten arm • vnd wend dich damit au°f dein rechten seitten • Indes kom mit deiner lincken hand • deiner Rechten zu hilff so nimbstu° Im den du°seggen • hat er dir den du°seggen • also genommen • so stoß Inn mit deinner lincken hand an seinen lincken Elnpogen so entgeestu° Im das er dir nit schaden mag •

top

132r [Pdf-Seite 267]

Zway einprechen darau°ß ain wu°rff geet
33

Item schickh dich Also mit dem zu°fechten • trit mit deinnem lincken fu°oß zu Im hinnein vnnd haw° Im von vnnden nach seinner lincken seitten • versetzt er das • so schill vnnd schaitel Im au°f sein rechten seitten • seinnes hau°pts Inndem volg mit deinnem rechten schennckel hinnach vnnd wind Im deinnen Ort zu° seinnem gesicht • oder der pru°st windt er dir den Ort also zu deinnem gesicht • so setz deinnen lincken fu°oß fu°r • vnd setz Im das ab mit deiner lanngen schneid Indes trit mit deinnem Rechten schenckel • hinnach • vnd heng vnnd wind • Im au°ch deinnen ort • zu seinem gesicht • Indes • haw° • Im nach seiner rechten seitten • versetzt Er dir das • so haw° Im behennd • zwifach nach • seinnem rechten • Arm • haw°t er dir also zwifach au°f • dein rechten seitten • so trit In triangel vnd versetzt • Im das mit deiner langen • schneid Indes zwirch Im gestrackt zu seinnem Rechten Ohr • Zwircht er dir also • zu° • so greiff mit deiner lincken hand • vmb seinnen hals • so hastu° Im seinen haw° prochen • hat er dich also gefast • so trit mit deinem lincken schennckel • hinder sein lincke kniepu°g In den hagcken • Indes greiff mit deiner lincken hand vmb seinen leib hinnu°mb In die waich • so magstu° In damit werffen •

top

132v [Pdf-Seite 268]

Zway einprechen mit Iren Ortern
34

Item wann du° mit Dem zufechten zu dem Mann ku°mpst • so trit mit deinnem rechten fu°oß hinnein vnd haw° dich mit obern hew°en zu Im • Indes scheu°ß Im die ku°rtz schneid nach seinnem gesicht • oder der pru°st setzt er dir das ab so haw° Im oben zwifach ein zu° seinnem hau°pt • vnd oben du°plier vnden Mu°ndier Indes trit mit deinem lincken schennckel hinnein vnd haw° Im von vnden nach seinem rechten Arm • haw°t er dir dann also vnden vnd oben zu • so trit mit deinnem lincken schenckel zu Im hinein vnd verscheu°b Im das vnden vnd oben • mit deiner lanngen schneid • vnd In dem verschieben laß dein ku°rtze schneid vndersich gon • Indem volg mit deinnem Rechten schennckel hinein vnd schaitel Im oben zu° seinem hau°pt • versetzt er dir das • so haw° ainnen Creitzhaw° nach seinnem rechten arm Inn dem trit mit deinem rechten schennckel zuru°ckh • raist er dir dann nach • so greiff mit deinner lincken hand In deinen du°seggen • die lang schneid oben • vnd stich Im den ort zu seinnem gesicht • sticht er dir den ort also zu° deinem gesicht mit seinen baiden henden • so trit mit deinem rechten fu°oß hinder seinen lincken In den hagcken vnd far au°f Inn die Kron • so versetztstu Im den stich Indes far Im mit deinnem gehu°ltz vornen vmb seinnen hals • vnd zeu°ch vnden zu° dir vnd oben von dir au°f dein rechte seitten • so wirfstu° In zu°ru°ckh •

top

133r [Pdf-Seite 269]

Das Su°nnenzaigen mit ainem wu°rff
35

Item schickh dich Also mit dem zufechten • trit mit deinem rechten fu°oß zu° Im hinnein • vnd schil vnd schaitel Im ku°rtz vnd lang zu° seinem hau°bt • versetzt Er dir das • so setz deinen rechten schennckel zu°ru°ckh vnd stich Im deinen Ort zu° seinnem gesicht • sticht er dir dann also zu° deinnem gesicht so trit mit deinem Rechten schennckel • zu° Im hinnein vnd versetz Im das mit deiner lanngen schneid Indes volg mit deinem lincken schenckel zu° Im hinein vnd haw° Im nach seiner lincken seiten seines kopfs , versetzt Er dir das • so schneid Im nach seinem angesicht • Indem trit mit deinem rechten schenckel wider hinnein • vnd haw° Im mit ainem zwirchhaw° • zu° seinner rechten seiten • seines hau°pts • zwircht er dir also zu° • so trit mit deinem rechten schenckel wider hinein • vnd haw° Im oben zu° seiner schaitel mit ainem zwifahen feler • versetzt er dir das • so laß Indes deinen du°seggen fallen vnd greiff Im mit deiner rechten hand an sein kinpacken vnd mit deiner lincken hand oben au°f das hau°pt • hat er dir dann dein rechten fu°oß mit seiner lincken hand begriffen • vnd begert dich zu° werffen • so wend Im sein angesicht gegen der Su°nnen • so kan er dir nit schaden • vnd wirfst In damit

top

133v [Pdf-Seite 270]

Ein Zornhaw° gögen ainnem lanngen Ort
36

Item wann du° mit Dem zufechten zu dem Man ku°mpst • so trit mit deinem lincken schennckel zu° Im hinnein • vnd halt dein duseggen • mit gestracktem arm • ob deinnem hau°pt • deiner rechten seitten • das der Ort zu°ru°ckh hanng • die lanng schneid oben gewendt seÿ Indes volg mit deinnem rechten schennckel • hinnach • vnd haw° Im • mit dem zornhaw° zwifach nach seiner rechten seiten • seines kopffs versetzt er dir das so stich Im deinnen orth zu seinem gesicht oder der • pru°st • sticht er dir dann also nach deinnem gesicht • so versetz Im das mit deiner langen schneid vnd trit mit deinem rechten schennckel hinnein Indes scheu°ß Im deinen Ort zu° seiner pru°st • au°f sein rechte seitten • versetzt er dir das so volg mit deinnem lincken schenckel hinnach vnd haw° Im mit ainem Creitzhaw° zu° seiner rechten seitten • seinnes kopffs, versetzt er dir das fu°rbas • so haw° Im mit ainem • vndern haw° • nach seinnem rechten arm • Su°cht er dir dann deine plosse • vnden vnd oben also • so trit mit deinem lincken schennckel zu° Im hinein • vnd versetz Im das • mit deiner lanngen schneid • Indes haw° Im nach seiner grossen zehen • seiner furgesetzten fu°oß • begert • er dir das abzu°setzen • so stich vnd haw° Im behend zu° der obern plosse seines hau°pts •

top

134r [Pdf-Seite 271]

Der Ochs go°gen dem bogen
37

Item schickh dich Also Inn dises stu°ckh mit dem Ochsen • stannd mit gleichen fu°ossen • au°frecht vnd halt dein du°seggen mit gestracktem arm • von dir den ort gegen dem Mann • das die lanng schneid oben gewendt seÿ In dem trit mit deinem rechten schennckel hinnein • vnd haw° dich mit der zwirch au°f sein lincken seiten • mit der ku°rtzen schneid versetzt er dir das • so spring mit deinnem lincken fu°oß au°f sein rechten seiten • vnd haw° Im oben lanng ein • zu seinnem hau°pt • haw°t Er dir also zu° so trit mit deinnem Rechten schennckel hinnein • vnd verscheu°b Im das mit dem bogen • dein du°seggen In deiner lincken hand • Indes volg mit deinnem lincken schennckel hinnach vnd wind dich au°f vber dein hau°pt • In das hangend Ort • Inn dem haw° Im zwifach nach seiner rechten seiten seines kopfs, versetzt er dir das • so nimb dein du°seggen • In dein rechte hand • vnd schaitel Im zwifach zu seinnem hau°pt • haw°t er dir also oben zu° • so wind dich Inn das hangend Ort • vnd spring mit deinem rechten fu°oß hinnein Indes stich Im zu° seinem gesicht • begert • er dir das zu°u°ersetzen • so volg mit deinnem lincken fu°oß hinnach vnd haw° • Im Indes zwifach nach seinnem rechten Arm •

top

134v [Pdf-Seite 272]

Ain ÿbergeen mit ainnem verkerten haw° gegen der halbe Kron
38

Item schickh dich also Mit diesem stu°ckh Inn dem zu°fechten • wann du° fu°r den Mann kumpst so stee mit verkertem leib das dein angsicht gogen Im stee • dein du°seggen mit gestracktem arm ob deinnem hau°pt • die lang schneid oben In dem vbergang vnd trit mit deinnem rechten fu°oß zu° Im hinnein • vnd haw° Im mit ainem verkerten haw° nach seinem hau°pt versetzt er dir das • so rais Im zwifach nach mit stichen vnd mit hew°en • raist er dir dann also nach vnd du° mit deinnem lincken fu°oß vor steest In der halben Kron • so far au°f mit deinem du°seggen • au°ß der halben Kron • Inn die ganntz • vnd versetz Im das zwischen deine baid hend • Indes trit mit deinem rechten fu°oß hinnen vnd wind dich au°f dein rechten seiten vnd stich Im nach seinem gesicht • oder der pru°st versetzt er dir das so haw° Im behend nach seinem rechten arm • von vnden • trit mit deinem rechten schenckel • wider zuru°ckh • vnd haw Im mit der zwirch zu° seiner rechten seiten seines kopfs • zwircht er dir also zu° • so volg mit deinem lincken schenckel hinnach vnd setz Im das ab mit deiner • lanngen schneid Indes fall Im kru°mb ein • volg mit deinem rechten fu°oß hinnach vnd schneid Im von oben nach seinem gesicht versetzt er dir den obern schnit so wend dich In den vndern • vnd schneid In von vnnden •

top

135r [Pdf-Seite 273]

Zwaÿ einprechen darau°ß ain wu°rf geet
39

Item wann du° mit Dem zu°fechten zu° dem • Mann ku°mpst • so stell dich also mit disem stu°ckh trit mit deinnem lincken fu°oß hinein • vnd leg dich Inn die hu°t vom tag • Indes gee au°ß der hu°t vom tag • mit deinnem ort • zu° seinnem gesicht volg mit deinem rechten fu°oß hinnach vnnd wind dich au°f dein rechte seiten • mit deinnem gehu°ltz vber dein hau°pt In gu°te • versatzu°ng spring mit deinem lincken fu°oß wol au°f sein rechte seiten • vnd zwirch Im ku°rtz vnd lanng zu° seinem hau°pt • versetzt er dir die zwirch so haw° Im behend nach seinnem rechten arm • haw°t er dir also nach deinnem rechten arm • so trit mit deinem lincken fu°oß zu° Im hinein vnd setz Im das ab mit deiner lanngen schneid vnd scheu°ß Im den lanngen ort zu seinem gesicht oder der pru°st • setzt Er dir das ab • so schill vnd schaitel Im zu° seinnem hau°pt • Sucht er dir deine plosse also • so fall Im kru°mb ein • Inn dem gee • Im mit deinem gehu°ltz hinder sein hau°pt vnd greiff mit deiner lincken hand vornen zu° deinnem orth • tru°ckh In damit zu° dir • hat er dir sein du°seggen also angesetzt • vnd tru°ckh dich zu° Im • so greiff mit deiner lincken hand nach seinem Kin vnd stoß Im mit deinem gehu°ltz nach seinem angsicht • so mu°oß Er dich lassen Indes schrenckh Im den hagcken • zeu°ch damit zu dir vnd oben stoß von dir • so fellt Er zuru°ckh

top

135v [Pdf-Seite 274]

Ein ansetzen mit ainem schnit gögen der Kron
40

Item wann du° mit dem Zu°fechten zu° dem Mann ku°mpst • so trit mit deinem lincken fu°oß hinnein vnd haw° Im zornigelich nach seinnem hau°pt • versetzt er dir das so heng vnd wind vnd stich Im zu° seinem angesicht • Indes trit mit deinnem rechten schenckel hinnein • vnd wechsel Im du°rch au°f sein lincke seiten • vnd Inn dem du°rchwechslen haw° Im zwifach nach seiner rechten seiten • versetzt er dir das fu°rbas • so wechsel Im du°rch von seiner lincken au°f sein rechte seiten • mit ainem Creitzhaw° vnd haw° Im nach seinem rechten arm • haw°t er dir also zu° • so trit mit deinem Rechten fu°oß hinnein vnd setz Im das ab mit deiner langen schneid Indes haw° Im mit ainem zwifachen feler • nach seinem rechten fu°oß • Inn dem gee behend au°f mit deinem du°seggen • fu°r dein hau°pt Inn gu°te versatzu°ng • vnd haw° Im mit ainem Dopelten Creitzhaw° • nach seinem angsicht • haw°t er dir also zu° • so gee Im entgegen mit ainem oberhaw° vnd Indem einhaw°en greiff mit deiner lincken hand nach • seinem rechten Elenpogen vnd schneid Im oben nach seinem gesicht seiner rechten seiten • schneidt er dir also nach deinem gesicht • vnd hat dir angesetzt • so greiff mit deiner lincken hand vornen zu° deinem Ort • vnd far • wol au°f vber dein hau°pt • In die Kron • so ist sein schnit vmbsu°nst • Indes stoss • Im mit deinem gehu°ltz nach seinem angsicht so wirstu° von Im ledig • magst Im au°ch vberfallen • vnd In Indes reissen • vnnd schneiden •

top

« zurück zur Übersicht