74r
|
[The text is written in twelve circles, aligned in three
columns
and four
rows.]
1
Jag von
deiner prust zw seiner rechten handt
2
Vmb ker
mit dem roß / zeuch sein rechte handt mit deiner lincken
3
Mit Straÿffen satel riem / oder wer nymbt
4
Setz
an hoch / schwing / durchfar / oder schwert prich
5
Das schutten
/ vor geng allen treffen / hawen stechen
6
Greyff
an mit paiden henden die sterck
7
Hie heb
an den man taschen haw zw suechen
8
Went
im die recht handt setz dein ortt zw seinem gesicht
9
Wer den
stich went dem vach sein rechte handt in dem glincke /
10
Drück vast stoß vom zaüm vnd suech sein messer
11
Suech
die plos arm~ leder handt schuech vndter den augen
12
Mit lerer
handt lern straich gegen aller were /
|
 |
74v
|
[The text is written in twelve circles, aligned in three
columns
and four
rows.]
13
Der Schaffgriff
werdt alle griff ringes vndter auge~
14
An der
weidt ker vmb / so die roß hyn hurttñ /
15
In der
nech fach die handt verker sein antlutz do der nacke ist
16
Die weer
fach in der weitt in dem wider reÿttñ
17
Jag zw
der rechtñ handt / mit irñ kunstñ
18
Jagstu
linck fall aüfs schwertz knopf stos vndter augen
19
Setz
an den ortt gegen dem gesicht
20
Schutt
gegen allen treffen die ym~er werdñ
21
Die stercke
in dem an hebñ daryn dich recht schick /
22
Das ist
nun der sper lauff der dem anderñ begegnet vndter augen
/
23
Der vngenant
griff weer ny~t oder felt in
24
Ob man
dich jagt von paidñ seÿttñ ker vmb linck
so er recht kumbt
| |
75r
|
[The text is written in two neighbouring circles.]
25
Der messer
nemen vnd behalden gedenck
26
Vber
greÿff wer dich an felt oder thue im wider reÿttens
/
Hye hebt sich an Maister Johannes Liechtenawers Roß vechten
/ das er hat lassen schreibeñ mit verporgen wortñ vnd
verdackten das stett alhÿe in diesem puech also auß gelegt
vnd glosiert das es ein yegklicher vechter wol vernemen mag
der anderst vechten kan /
Das ist der text
Dein sper bericht gegen reytten mach zu
nicht / Glossa Merck das ist wen dw hast ein gläffen
/ vnd ain ander auch aine / vnd mit dir zw samen wil reyttñ /
so soltu dich mit deiner gleffen also wissen zw schicken /
das dw im da mit die sein ableyttest vnd in trefst / mit dem
stich / vnd er dich nit / vnd die stuck soltu wissen zw treibñ mit
der gleffen auß zwein huettñ / die dir hernach
genant werdñ / darumb spricht die xxj figur / die sterck
in dem an hebñ etc
|
|
75v
|
Das ist der text von dem Stuck auß der erstñ huet
Ob es empfall / dein endt im ob schnall
/ Glosa
Merck
das ist das stuck auß der erstñ huet / wen du
mit Im zu samen reyttest / so halt dein gleffen vndter dem
arm zw dem stich / vnd wen es kumbt zw dem treffñ so
thue als sÿ dir zw schwer seÿ / vnd laß sy
mit dem ort vorñ nÿder sincken gegen deiner lincken
seyttñ / Reytt er dan auff dich mit einem stich / so
heb dein gleffen vber sich mit sterck auff an die sein / so
trifstu in / vnd er dich nit / wen sein gleffñ get nebñ die
seytt ab / dar vmb sprich die erst figur / Jag von der prust
etc
Das ist das stuck auß der andern huett
Merck / Wen du mit im zw sammen reyttest / so halt dein
gleffen mit baidñ henden in der mitt fur dich twergs
auff dem satelpogñ / reytt er dan auff dich mit einem
stich / so schlag mit dem vorder tail deiner gleffen die sein
/ auff dein rechte seyttñ von dir ab vnd windt dein
gleffen da mit vndter dein rechtñ arm~ / so trifstu
in vnd er dich nit / daru~b vmb spricht die xvij figur / Jag
zw d° etc
Das ist der text
Haw drein nicht zuck / von schaiden linck
zw im ruck / Greyff in sein rechten / so fechst du in ane
fechten / Glosa / Das ist ob in in dem an reÿttñ bede
verfelt mit der gleffen so laß zw hant die dein fallñ /
vnd zeüch weder swert noch messer
|
|
76r
|
vnd reit an in vnd wendt dich mit deiner lincken seyttñ an
sein rechte vnd treib die hernach geschribñ ringeñ
Item Wen du kumbst mit der
linckñ seÿttñ an sein rechte greifft
er dich den mit der rechtñ handt vorñ an
/ vnd wil ringen / So begreiff mit der rechtñ seinen
rechtñ arm~ vorn peÿ der handt / vnd treib
den vngenantñ grieff / oder den verporgñ
Item / oder hat er sein schwert gezogñ vnd
fert damit auff / vnd wil schlagñ / so begreyff mit
der linckñ handt sein rechten Elpogen vnd stos in damit
von dir / vnd mit dem linckñ fueß erheb seinen
rechtñ so felt er / oder wen du Im mit der lincken handt
seinen rechtñ elpogñ begriffñ hast / so
begreiff mit der rechtñ sein schwert knopf vnd ruck
da mit zu dir so nÿmbstu Im das swert
Hye merck ein anders / das ist /
ob du mit der linckñ seyttñ nicht magst kumen
an sein rechte / so halt dich mit der rechtñ an sein
rechte greyfft er dich dan an / mit ringen / so treib den schaff
grieff / oder das sunen zaichen
Item
/ Wenn du kümbst mit deiner rechtñ seÿttñ an
sein rechte / hat er den sein schwert gezogñ vnd fert
da mit auff / vnd wil schlagñ / so far mit deinem rechtñ arm~
/ von oben nÿder auswendig vber sein rechtñ / vnd
drück den|arm in dein rechte seÿttñ / vnd
reyt fur dich / so ny~bst du im schwert / Oder far mit dem
rechtñ arm von inwendig auff vber seinen rechtñ /
vnd drück den arm~ vorn an dein prust / vnd reyt fur dich
/ so nÿmbstu im aber sein schwert / Daru~b sprich die
xij figur / mit lerrer hant
|
|
76v
|
Item / Begreiff sein rechte handt
mit deiner lincken vnd ruck sÿ fur dein prust / vnd wen
dein Roß von im so felt er /
Item / Oder begreÿff mit
der rechtñ handt / sein rechtñ Elpogñ vnd
mit dem rechtñ fueß erheb im sein rechtñ fueß /
so mueß erfallen / Darub spricht die Ander figür
/ vmb ker mit dem roß etc
Das ist der text
Das gleffen Stechen vechten / sÿtigkleich
an hurt lere prechen Glosa / Wen ainer auff dich reitt
/ mit einer gleffen / so soltu gar sytigklich gegen im reyttñ /
vnd mit hurrttñ mit dem Roß so magstu mit den
vorgeschribñ stucken Im alle seins an reÿttñ wol
zu nicht machen / Oder wend du hurts od° renst / so kanstu
zu der kunst od° zu den stucken nit kumen / vnd pist selber
vnsicher auff dem roß / daru~b spricht die xxij figur
/ das ist nu~ der sper lauff / etc
Das ist der text von dem Taschn haw
Ob es sich verwandlt das Schwert gegen
schwert wirt gehandlt / Recht fast dye sterck / Taschn haw
du suech vnd merck / Glosa / Das ist ob ir pede von
der gleffen kumen seyt / vnd solt fechtñ mit schwertñ /
So leg dein schwert auß den lenckñ arm~ in die
huet vnd reÿt Im gerad vndter augen zu seiner rechtñ seÿttñ hawt
er dan auff dich ein oberñ haw / so far auff mit dem
swert / vnd versetz den haw starck mit der langñ schneid
/ vnd stich im zw dem gesicht / versetzt er den stich vnd
fert hoch auff / so haw im mit der langñ schneid /
nach der lincken handt / oder nach dem zwi zawm / vnd
ob dich das roß vertrueg so haw im nach dem rechtñ pain
in dem hin rennen / daru~b spricht dye vij figur / Hie Heb
an etc
|
|
77r
|
Das ist der text
Ler wol starck schüttñ allen
treffen an far domit nott in Setz an angefar / wer strayfft
henng Im zu dem har Glosa
Merck
das ist
/ Das
du albeg
künlich mit dem schwert solt anpinden
/ Es
sey mit
haweñ oder mit [word added above the line] stechen /
vnd dich
von dem
schwert
nit abziechñ /
vnd in
zwingñ mit dem ort zu den hernach geschribñ stuckñ /
Daru~b
spricht
die xx
figur
/ schut
gegñ etc
Item
wart ob du im mit dem schwert magst an setzñ / versetzt
er auff sein lincke seÿttñ / vnd reytt an dich
/ so far mit dem knopf von vndten auff / durch sein schwert
im vmb den hals / vnd kumb mit der linckñ dem knopf
zu hilff / vnd ruck in zu dir auff die seÿttñ Daru~b
spricht die vj figur / Greyff an mit paidñ hendtñ etc
Item Wen er dir den haw [word added
above the line] versetzt / so far im mit dein gehultz vndter
kunpackñ vnd mit der linckñ handt begreiff
in hindtñ pey dem Eÿsnhuet / vnd zeuch damit zu
dir / vnd mit dem gehultz stoß von dir so felt er
Item Versetzt er dir ein haw oder
stich / vnd hürt an dich / so begreyff sein rechte hant
mit der linckñ / vnd mit der rechtñ setz im dein
ort in das gesicht / darub spricht die viij figur / Went im
die recht hant etc
Item Versetzt er dir ein oberhaw mit
der twer / so far hoch auff mit der rechtñ handt / vndt mit
dem ort vber sein schwert zu seinem geschsicht oder
prust vnd setz im an / daru~b spricht die iiij figur / Setz
an hoch schwing etc
Das ist der text
Wiltu geruet [corrected from »geradt«]
lanck
jagen
das seer
mutt
wer dir
das wert
so windt
das aug
versert
/ Wert
ers furpaß /
fach
|
|
77v
|
zawm vnd wer piß laß / Glossa Halt
dein swert nebñ deinem rechtñ pain in der huet
/ vnd reyt also zu im / vnd stich im zu dem gesicht mit lanck
auß gerechtñ arm~ Versetzt er den stich / so far
auff mit der rechtñ handt / vnd wind am swert / vnd
pleib im mit dem ort vor dem gesicht / daru~b spricht die iiij
Setz an hoch etc
Item versetzt er den mit dem
swert / vnd hurt an dich so far mit deiner handt inwenidig
auff uber sein rechtñ arm~ / vnd begreyff deine~
zawm mit lincker v~kertter handt / vndter seinem arm~
/ also verschlingst du Im dy handt mit dem zawm / die
x figur spricht / druck vast etc
Hye merck die absetzen mit dem swert zw roß
Merck / wen du reyttest an den man / vnd hast dein swert
in einer huett / So merck zu welicher seyttñ er dir
zw hawt / Hawt er dir von obñ zw deiner linckñ seyttñ so
windt auch auff dein lincke seÿttñ gegen seine~
haw / Oder hawt er dir zw deiner rechtñ seyttñ /
so wint auch auff dein rechte / das dein dawm albeg vndten
kumb / vnd mit der versatzu~g setz im deñ ort albeg
in das ge / gesicht / vnd das treib gegñ der gleffñ auß auch
also / darvmb spricht die xix figur / Setz an den ort etc
Item Wen er dir ain hawt versetzt
/ pleibt er dan also pey dir / so far mit knopf aussen
vber sein rechte hant / vnd stoß die handt mit
dem gehultz fur dich zu deinem satelpogñ / vnd
mit deiner linckñ begreyff seinen swertzknopf
vnd reyt fur dich so nÿmbstu Im das swert /
|
|
78r
|
Das ist der text
Bedenck dye plos / suech messer nicht
wart kloß
Glosa / das ist / Wen du mit ainem vechtñ solt
in harnasch / so soltu vor allen sachñ wissen an welchen
stettñ du in am besten gewiñen magst
Item / das ist vndter dem gesicht
/ od° vndter den vchsñ / oder ausswendig auff der
handt in den hantschuechen / oder inwendig in dye hendt / des
taners / vnd in allen gelencken des harnasch an armen vnd an
paynen / vnd dye ploß suech alle mit Stechñ /
vnd nit mit schlagñ /
Vnd ob
du mit dem swert / wen du zu nahent an in kunpst nicht gera arbayttñ magst
/ so arbait mit dem tegen / vnd ob dw zu deinem degen nicht
kumeñ magst / so wart ob dw im den seinen genemen magst
/ vnd arbait domit zu der ploß / Spricht die xj figur
/ Such die ploß arm~ leder etc
Das ist der text
Zwen strich lere / mit lerer handt gegen
der were /
Glosa das ist / das du vor allen sachen wissen solt
/ vnd ler nemen / wie dw mit ledigen hendtñ solst arbayttñ zw
Roß / Vnd zu vor auß mit den ringen / daru~b solt
dw den zawm also an richtñ das dw in magst gewechsln
/ von ainer handt in dye ander / vnd also dein vortail damit
suechñ / vnd das ist die grost kunst zu roß /
darumb spricht die xij figur / Mit lerer handt lere / etc
Das ist der text von dem Schaff griff
Der schaff griff lert wer sich ringes zu dir
kertt Als vndter augen / greyff in recht mit schlaugen /
|
|
78v
|
Glosa / das ist der pestn ringen
ains zu roß / das treirb [!] also / Wen dw ringñ wilt
/ reyt dem man gleich vndteraügen zw seiner rechtñ seÿttñ /
vnd greyff yn an mit ringen / velt er dich dan wider an / so
begreiff im sein rechtñ arm~ vorn peÿ der handt
mit deiner lincken verkerttñ handt / vnd ruck den vndter
dein prust / vnd far mit deine~ rechtñ arm~ dar vber
vnd pegreyff damit den satl pogñ / vnd reÿt fur
dich so muß erfallñ / Daru~b sprich dye xiij figur
/ der schaff griff wert
Das ist der text von ringen
Wer dich anfellet / wider reÿttens
der wirt gesellet / hanngen[?] zw der Erdñ vber greyff
In recht mit geparñ Glosa
Das ist
/ Wen du mit ainem zu samen reyttest / kumbt er dan mit seiner
rechtñ seyttñ / an|die dein / vnd felt dir mit
dem rechtñ arm~ vorn In den halß / so far Im auch
also vmb dein sein vnd far mit der lincken handt hindtñ vmb
in / vnd kumb da mit deiner rechtñ zu hilff / vnd ruck
in zw dir auff dye seÿttñ / Oder schlag den rechtñ arm~
oben vber sein rechtñ vnd wirff in mit dem schaffgriff
Aliud
Item / Wen du mit ainem zu
samen reytest / kumb er dan mit seiner lincken seÿttñ /
an dein rechte / vnd felt er dir mit der lincken hant
hyndten vmb den hals / so far mit dem rechtñ arm~
hindter dich starck auff / vber sein lincken vnd kumb
mit der linckñ der rechtñ hant zu hilff
/ vnd druck im sein lincken arm~ vast hindtn in deinen
nacken Weicht er dan ab mit dem arm~ / so begreyff mit
der lincken handt sein lincke / vnd treib den vngenanttñ griff
/ oder den verporgen grieff /
Item / Oder greÿfft er
hindten vmb dich mit der linckñ
|
|
79r
|
handt vnd wil ringñ / so schlag mit dem rechtñ arm~
auswendig starck von oben nÿder / in das gelenck seins
lincken arms / vnd reytt fur dich / Dÿ xxvj figur vber
greyff etc
Das ist der text von ainer lerr
Zu payden seyttñ / du in an ker lere
[word
added
above
the
deletion]
alle
wider
reÿttñ
Glosa / das ist / zw welcher seÿttñ dw zw
dem man kumbst / so soltu dich nachent zu Im haltñ /
vnd treyb dye kunst also / kumbst du mit deiner rechtñ seÿttñ an
in / so treib die stück behendtlich die zu der rechtñ seyttñ gehorñ /
Oder kumbst du mit der linckñ seyttñ an in /
so treib auch waß zu der linckñ seÿttñ ghort
/ so mag er zu seine~ stuckñ nit komen /
Das ist der text zw der linckñ seÿttñ
Ob du wild reÿttn / roß lauffens
zu der andern seyttñ dye sterck schut an setz damit
/ Not in wer wertt dir das / weyt swert fach trag nachent
der handt haß /
Glossa / das ist / ob du ainem zu seiner linckñ seyttñ wilst
zu reÿttñ / so solstu im auch starck an pinden
mit dem swert / es sey mit hawen oder mit stechñ / vnd
albeg der plosñ remen mit dem ort / als du zu der rechtñ seyttñ hast
gethon / da mit zwingstu in zü den stückñ die
zu der linckñ seyttñ gehorn / Wen es seind ettlich
stuck die man zu der lincken seyttñ treibt / die man
zu der rechtñ nit getreibñ kan / daru~b sprich
die funfft figur / das schuttñ vor geng allñ etc
Item das ist / wen du im zu
der linckñ seyttñ zu reytst / so haw Im
ein oberhaw starck ein / Hawt er dan auch starck ein
vnd wil dir ansetzñ / so solt du im versetzñ /
die weil er weit von dir ist mit dem swert / Oder ku~bt
er nahent an dich so begreif sei~ rechte hant mit deine~
linckñ / Die xvj figur spricht / die weer fach
etc
|
|
79v
|
Das ist der text von ainer ler
Oder vmker / gerutt zu jagen gewertt /
Mit allen kunste der jagt der schick nach gunste / Glosa /
das ist / ob dich dein roß fur In hin weck trug / das
dw kain stuck auff In getreibñ kunest / So went dich
zu im / zu der seÿttñ do du den vortail am pestñ getreibñ magst
/ Daru~b sprich die xiiij figur / In der weit ker vmb etc
/
Das ist der text
Ob du vergagst vnd an danck linck gagst
/ sein schwert auff tast / vnd ring stos nit vast /
Glosa das ist / Ob dich dein roß vertrueg / oder wie
das geschach / das dw an danck an sein lincke seÿttñ must
reÿttñ / So leg dein schwert auff den lincken
arm~ / Hawt er dir dan zu dem kopf / so far auff mit dem swert
/ vnd versetz mit der langen schneid / Kumbst dw dan mit der
versatzüng nache~t an in / so far mit dem lincken arm
vber sein rechte handt vnd trück die also vast in dein
lincke seÿttñ / vnd stos in mit dem knopf vndter
das gesicht / Daru~b sprich die xviij figur / Jagst du linck
fall aufs etc
Nota
Oder wen du im sein rechtñ arm~ in sein
lincke seyttñ drückst / vnd so reytt neben
im hin wegk / so nymbst du im sein schwert / Auch
magst du mit dem vberfarñ in die handt mit
dem zawm fachen ob du wilt /
Item wen du im den ober haw
versetzt als vor geschribñ stett / so haw im
einen freyen ober haw oben ein zu dem kopff /
Item / wen du dein schwert
hast auff dem linckñ arm~
|
|
80r
|
in der hut / reyt dan ainer auff dich mit ainer gleffñ zu
deiner glincken seyttñ / so far wol auff mit dem knopf
/ vnd laß die klingñ hangñ zu deiner lincken
seyttñ / vnd setz im die gleffñ also damit ab
/ vnd haw Im zu dem kopf / oder setz im an / Oder reytt er
dir mit der gleffñ zu deiner rechtñ seÿttñ /
so streich schlett auff mit dem swert an sein gleffen / vnd
wint In das ober gehenng / vnd setz Im an /
Das ist der text
Jagt man rechtens / halb ker vmb wart
vechtens / Mit arm~ vachen / so mag dir kain schad nachen
/
Glosa das ist / ob du gedrungen wirst zu der flucht
/ vnd du warst gewappent / vnd hest nichtz denn ain swert /
vnd setzt dir dan ainer mit der gleffñ hindten an dein
rechte seyttñ / so wen dich auß dem stich gegen
Im auff dein lincke seyt / vnd wendt dich mit dem swert gegen
seiner gleffen / vnd setz im an / Oder setzt er dir hindtñ an
dein lincke seÿt / so went dich auff dein rechte gegen
im / vnd wind mit dem schwert als vor vnd setz im an / Daru~b
spricht die xxiiij figur / ob mã dich jagt von
paid seyttñ etc
Item du solst auch in der flücht
behennttigklich dich wissen vmb zu wenden in dem sat°l
von ainer seÿttñ zu der anderñ /
vnd hindter dich stechen / vnd absetzñ zu paidñ seÿttñ schwert
vnd gleffen
Merck ein behendigkait mit der gleffen
Wen du vor jagst vnd hast ein gleffen
/ jagt dir ainer
|
|
80v
|
nach / vnd hat auch aine / So halt dein gleffñ mit
der rechtñ handt auff der rechtñ achsel / vnd
wen du sichst das er schier hindtñ an dir ist / so heb
die gleffñ vber das haubt / auff dein lincke s achsel
/ vnd laß dein ort hindter dir pleibñ / vnd wendt
dich gegñ im auff dein lincke seÿttñ / vnd
schlach damit dein gleffñ vndter den arm~ / so kumbst
du im da mit geleich vnder die augen /
Das ist der text
Der messer nemen / behaltñ ler
an schemen / Glosa Hie merck / wie ainem sein swert
nemen solt oder sein messer / oder den tegen / Reyt eim zu
der rechten seÿttñ vnd suech die ploß wie
du magst mit hawe~ oder mit stechen / versetzt er vnd kumbt
nache~t an dich / so begreiff sein rechtñ arm~ hindter
seiner rechtñ handt / mit deiner lincken verkerttñ hant
/ vnd rück den fur dich vnd halt in vest da peÿ /
vnd peug deine~ lincken arm~ auß wendig an dem pundt
seins swertz so muß er das swert fallñ lassñ /
Vnd wen du in also peÿ dem arm~ haltest / so magstu In
mit dem schwert schlagñ / oder mit dem schaff griff
werffñ Daru~b sprich die xxv figur / der messer nemen
etc
Das ist der text von dem vngenattñ griff
Den vngenanttñ den starcken verwendt
Ir stechen / Ir schlagen verdirbt on alles recheñ
Glosa
Merck das ist der vngenant grieff / Wen du mit dei~er
|
|
81r
|
lincken seÿttñ kumbst an in / hat er dan sein
wer gezogen vnd wil dich schlagñ / oder greyfft dich
mit der rechtñ handt vorñ an mit ringñ /
so begreyff mit deiner rechten handt sein rechtñ arm~
vorn pey der hant / vnd ruck den vndter dein prust / vnd leg
dich mit dem leib darauff / vnd reÿt fur dich so prichstu
im den arm~
Item wildu im den arm~ nit
prechñ / wen du in hast geruck fur dei~ prust
/ so greÿff mit deiner lincken hant an sein rechtñ Elpogen
/ vnd stoß in damit von dir vnd begreyff mit deiner
rechtñ hant sein swert pey dem knopf vñ ruck
da mit an dich so nymbst du im das schwert Daru~b sprich
die xxiij figur / der vngenant griff etc
Das ist der text von dem suñen zeichen
Wil du an fassen / neben reittens nicht
solt du lassñ / das sunen zaigen / den [word added
above the line] lincken arm~ wil du naigen / das vorhaubt
tascht gegen nach druck sere vast das er sich sencket / vnd
selten wider auff lencket / Glosa Merck
/ das ist der pestn ringen ains / zu roß / wen du mit
im zu samen reÿtest / kumbst du den mit deiner rechtñ seÿttñ an
sein rechte / so halt dich nachet zu im / vnd greyff mit deiner
lincken hinden handt hinten vmb in / vnd pegreyff in
do mit pey seine~ lincken arm~ / vnd zeuch in vast her vmb
zu dir / vnd mit deiner rechtñ hant greyff im vndtñ an
sein kindpackn vnd stos in vast an dir / vber sich auff /
gegñ seine~ linckñ seÿttñ /
|
|
81v
|
so kerstu im sein antlutz gegen der sunen / da mit gewinst
du im den schwunck an / das er sich nit mag gehaltñ /
Item oder kumbstu mit der linckn
seyttñ an sein gerechte / so begreÿff in
als vor vnd wirff in hindter dich auff dei~ lincke seÿttñ /
vnd das ringñ haist das sune~ zaichen / Daru~b
sprich dÿ xv figur In der nach fach die hant etc
Wer dir das remet / vber greyff den der wirt
beschemet druck arm~ zu hawbt der griff hat offt sat~l beraubt
Glosa hye merck / das ist der pruch wider das sunen
zaichñ / kumbt ainer mit seiner rechtñ seyttñ an
dein rechte / vnd wil dich werffñ mit dem suñen
zaichñ / so merck / wen er dich greyfft mit der rechtñ handt
an / an den kinpackñ / so schlag den rechtñ arm~
vber sein rechtñ / vnd ruck In vast an dein prüst
/ vnd leg dich mit dem leib darauff / vnd reyt fur dich /
so wirfstu in / oder wirff in mit dem schaff griff /
Item / kumbt er mit seiner lincke
seyttñ an dein rechte / vnd greyft mit seine~ lingken
hant hindtñ vmb dich nach deine~ linckñ arm~
/ so far von vndtñ auff hint~ [?] dich / vber sein linckñ arm~
/ vnd truck im den vast hindtn in den nackñ / weicht
er den ab mit dem arm~ so begreÿff mit der linckñ hant
sein lincke / vnd wirff in mit dem vngenanttñ griff
/ daru~b spricht die ix figur / Wer den stich wert dem vach
etc
Ein ander text
|
|
82r
|
Wil du aber dich massen des fachens liecht
von dir lassñ Ringens dan fure / gefangen an schünre
[!] / Glosa /
Merck
/ das haist das verporgñ ringñ / wil du das gemain
machñ / vnd offenpard sechen lassñ / So treib
es also / Reÿtt mit deiner linckñ seÿttñ an
sein rechte / greyfft er dich vorn an mit ringñ / so
begreÿff mit der rechtñ hant / sein rechten arm
vorn pey der hant / vnd ruck den fur dich / vnd greyff mit
der linckñ hant han sein rechtñ elpogn
/ vnd stos den vber sich / vnd mit der rechtñ hant stos
sein rechtn arm~ obñ vber den linckñ arm~ / vnd
heb also mit dem lincken arm~ seine~ rechtñ arm~ vber
sich also hastu In gefangñ vnd gepundñ an alle
pandt / vnd das treib zu paidñ seÿttñ /
Der vorgriff merck / die pricht furbaß me sein
sterck
Glosa das ist / das albeg soltest vor kume~ ee den
er / mit den greiffñ vnd ringñ die du wol vernume~
hast / vnd zu vor auß mit den vier haubt ringñ /
do lest du du in mit zu kaine~ stuck kume~ / das ist der schaffgriff
/ der vngenant griff / das sünen zaichñ / vnd
der verporgñ griff / vnd des vachens mit dem zaim solstest
du mit nicht vergessñ / vnd wen du dye ringñ wol
kanst / so mag dich hart nymat an schadñ von dem roß gewerffñ
Explicit
|
|
