Transcriptions | »Codex Wallerstein« | Dagger

« back to survey page

22r

Item sticht dir ainer mit einem degen oben ein zu dem
gesicht so uar auf mit deiner Àbichen tencken
hant vnden an seinen arm vnd reib im denn arm vmb
vnd tu alss welstu in mit deinem degen in den hals
stechen vnd stich in vber seinen arm als hie gmalt
stet vnd zeuch so pricht im der arm ab

Von der Hand Paulus Hector Mairs (spĂ€ter hinzugefĂŒgt):
Im dolchen stennt der stennt
Inn alen 14 bar

top

22v

Item sticht dir ainer oben zu dem gesicht so uass deinen
degen auf dein rechten hant vnd uar auf da mit vnd
uach den stich dar auf vnd greiff mit deiner tencken
hant an seinen elpogen vnd heb auf als hie gmalt stet
so prichstu im den arm vnd nymst im den degen

top

23r

Item sticht dir ainer zu dem gesicht so nym den degen
auf deinen rechten arm vnd uach den stich dar
auf vnd wint im mit deiner spicz vnter seinen arm vnd
zeuch an dich als hie gmalt stet so nymstu im den
degen oder du prichst im den arm ab

top

23v

Item sticht dir ainer oben zu dem gesicht so stich mit deinem
degen von vnden auf mit abicher hant vmb seinen rechten
arm vnd uar mit deiner tencken hant uor an spicz vnd
zeuch nider zu der erden als hie gemalt stet so helcztu
in mit gewalt wildu ledig werden so nym deinen degen
in dy tenck hant vnd stich in

top

24r

Item< sticht dir ainer oben ein zu dem gesicht so
uasß deinen degen in paid hent vnd uach denn
stich dar auf vnd wint im den knopf vber seinen
rechten arm als hie gmalt stet so slechstu im seinen
degen in das angesicht

top

24v

Item sticht dir ainer oben ein zu dem gesicht so uasß
deinen degen in paid hent als uor vnd uach den
scht stich dar auf vnd lauf uast hindersich zu ruck
mit im vnd dauch yme vber seinen kopf an denn
hals als hie gemalt stet so zeuchstu in auf dy erden

top

25r

Item sticht dir ainer zu dem gesicht so uach denn
stich alz uor vnd lasß dein tencke hant vnd fass im
seinen rechten arm vnd reib in vor dir nider gegen
deiner rechten seiten vnd verwurff den degen vnd vnd stich
im vber sein agssel vnd zeuch in an dich vnd reib
im den arm auf den rucken als hie gmalt stet
so pincztu in mit dem degen

top

25v

Item sticht dir ainer oben zu dem gesicht so uasß deinen
degen auf den rechten arm vnd uach den stich dar ein
vnd stoß in mit der tencken hant an seinem elpogen von
dyr das er sich uor dir vmbker vnd faß in pey einem
fuß mit deinem degen alz hie gemlt [!] stet so wurfstu in

top

26r

Item stet ainer gegen dir mit ainem degen und thu
hast sorg auf in so lauf gar frischlich auf in vnd
thu sam welest in [oberhalb der Zeile nachgetragen] oben in das gesicht stechen vnd
ker dich uor im vmb auf dein rechte seiten
vnd stich in vnden zu den hoden als hie gmalt stet

top

26v

Item sticht dir ainer oben zu dem gesicht so slach im
mit deiner tencken hant aussen auf sein rechten
hant so sticht er sich selb in die hoden vnd stich im
dann mit deinem degen oben ein zu dem
hals als hie gmalt stet

top

27r

Item sticht dir ainer vnden zu dem pauch denn
wĂ€lschen stich so uasß deinen degen in paid hent
vnd uall im oben auf seinen degen vnd uasß mit deiner
tencken hant sein rechte vnd ker dich reschlich vmb
uor im vnd zeuch in vber die agssel so prichstu
im den arm ab

top

27v

Item sticht dir ainer vnden zu dem pauch uasß dein
degen in paid hent vnd uall im auf den stich vnd
treib in mit deinem degen gegen deiner rechten seiten
vnd heb vbersich auf in die höch als hie gmalt stet so
wincztu im den degen aus der hant

top

28r

Item sticht dir ainer oben ein zu dem gesicht so
uar auf mit deiner Àbichen tencken hant vnd prich
im den stich auß vnd stich im mit deinem degen
zbischen der pain vnd heb in auf als hie gmalt stet
so wurfstu in auf den rucken

top

28v

Item sticht dir ainer mit langem degen nach der
prust als franczoschisch so uar auf mit deiner tencken
Ă€bichen hant vnten an seinen degen vnd leg im deinen
degen auf seinen rechten arm vnd prich im den
degen dar vber auß als hie gmalt stet

top

« back to survey page