Transcriptions | Hs. 3227a | Ringen

86r

Das ist von deme Ringen :~

DEr / do wil lernen Ringen / der sal czu dem ersten / merken vnd wissen das dy pñcipia / vor • noch • Rischeit kunheit list vnd klugheit / etc dy gehören och czu deme Ringen / Vnd wisse das alle höbischeit kompt von deme ringe~ vnd alle fechte~ kome~ ursachlich vnd gru~tlich vom ringe~ / Czum erste~ das fechte~ mit dem lange~ messer / aus dem ku~pt das fechten m^t dem sw°te / etc

[Rezepttext]

86v

[Rezepttext]

87r

Merke Ringen in czulawfen mancher wezen vnd geverte / meist° lichtnaw°s / vnd das ist gar swer vnd unbedewtlich / wen das das ist sein zete gewest / dorvm das ist nicht ydermã vorneme / der is wörde leze~ / Das erste geverte gut ist do mite suche alle mol deine list / wy her gevalle alle mol / höer was ich lere / weñe her lewft czu dir / zo merke / daz du en stozest von dir / czu peiden zeiten / alle mol lere schreiten / stozen vnd winden / mache blözen do mã mite windet
vnden czu~ zeite~ / Peide peyn vorsetcze~ / vnd hende brechen / wo her dich an greift / zo winde deine hende vm syne / vnd syne müßen deñe gleiten / oben vnden öberal / do mite machstu im eine~ val / Wen her an dy achsel greift harte / zo machstu / vnd salt nicht / anders tun / we~ du salt deine / hende / lege~ die twere lege~ / ober syne drücke~ / vnd in dem selbe~ drücken / dyne hende von ey~nander czücken / vnd syne weg drücken / Dornoch vnd dorof / gen sechs vallen ader weze~ / alle mol pein vorsetczen / ader nicht / wy du selber wilt / vnd las dy hende endelich gen / ader lang fan wy du selber wilt / zo ist es als eyns / Doraus das erste merke / das du en mögst v^em greiffen / vnd dyne hant an syn hercze drucke / vnd eyn peyn vorsetcze / zo wurfstu en ober daz selbe peyn mit sym gancze~ leybe / Das ander get noch dem broche / alzo daz du mögst an syne~ elboge~ greifen / vnd ey~ peyn vorsetcze~ / vnd en ober das selbe pey~ geworfen / Das dritte get aus dem broche / wen her of gewirft die hende / zo mag her sy wol drucke~ / mit ey~ pey~ vorsetcze~ vnd vorsich stoze~ mit ganczer kraft / vnd syne he~de / mit dyne~ hende~ oberrücke hin weg stoßen / Das vierde ist / wen her erste mal gebricht / dornoch var im mit dyner hant / an syn antlitz /

87v

czu vor aus an dy naze / ader kyñe / vnd mit der / and°n hant an den rucke / vnd mit ey~ pey~ vorsetcze / vnd wirf in dorober / Das fünfte ist / das du en magst an dy prust stoze~ / aber mit eyn° hant an das hewpt greifen / mit ey~ pey~ vorsetcze~ / wirfstu en of den kop / Das sechste ist / das du en magst neme~ dornoch / mit eyn° hant / pey dem elboge~ / mit ey~ pey~ vorsetczen wirf in of dy zeite / vnd drücke m^t dyn° hãt dy syne wol czu der erde~ / Vnd merke das du alle~ deze~ vorgnante~ geverte~ / magst pey~ vorsetcze~ / ader lossen / wy du wilt / Das sibende ist / das du magst mit dyn° eyne~ hant in syne arm gereichen / vnd mit der eyne~ hant syne an greifen / vnd m^t dyne~ eyne~ fuße / syne~ fus stozen / an das ander wo du hin greifest / zo vellet her of das antlitz / ader magst das ander pey~ hinder in setcze~ / zo wirfstu in of / den rücke / vnd brichst im den arm / Daz achte ist als das do itczu~t gesprochñ ist / zonder daz her mit eyn° hant / syne an greifet / vnd den elboge~ ausweñig hin lenke / vnd m^t der and°n hant / an syne ander hãt do vorne vnd stoz in of eyne seite /           
Och me was aus dem erste~ gen arm das mey~ ich hernoch sage~ / Och merke das du in alle~ geverte~ / das selbe pey~ salt vörsetcze~ / von weler seite~ / ader mit weler hant du in wilt neder werfen / Vnd in allen geverte~ / weñe mã dir vorsetzt / m^t ey~ pey~ / das selbe saltu mit dyme ander peyne / risch hinweg slon / vnd stoz snelle obe~ m^t den hende~ ober rücke / zo vellet her in alle~ vorsetcze~ / Och mag / das / daz neste syn / daz du in nym~est pey der eyne~ hant / vnd lest im dy ander gen / m^t eym peyn vorsetcze~ / vnd dich m^t syn° hant vm gekart / vnd neige ader prich in ober

88r

das pey~ zo vellet her sere / Das ander breche~ ist / das du och oben salt hende weg stoze~ / vnd dorof gen och newn geverte / Daz get alzo dar / wen her dich heldit obñ pey den achseln / zo lege dein elboge~ in syne hãt yñeweñig / vnd stoz ym dy hant weg / Vnd och tustu das m^t der and°n hant / Dornoch magstu dy newn geverte treibñ als vor geschrebñ ist von de~ arm breche~ / Nu merke wy du salt vnden breche~ auch czwey Merke wen her dich heldit / zo stoz m^t dyne~ hende~ an syn gelenke von peider hant / vnd von vnde~ of / Dorof / gen auch newn / Daz ander das du magst gestoze~ von of yn dy elboge~ / harte m^t dyne~ hende~ / do magstu auch newne geverte aus bre~ge~ / als vor / das syn itczu~t vire / Merke aber vire / daz du magst arm breche~ / czu dem erste~ mal / wen her dich heldit pey den achseln / zo saltu dyne hende m^t dyme elboge~ / von oben nyder weg / stoze~ / zo kome~ syne hende dir an das hawpt / vnd drucke yn czu dir an dyn zeite / vnd merke io das du ym kum~est m^t dyn° hant an syne~ arm gelenke vnd das du dyn hewpt hinden harte heldist ym den dy hant / vnd mit der and°n hant ym an syne brust weg stoze / zo brichstu ym den arm / aber setczist ym dein fuß vnder / zo vellet her gar sere / Das ander geferte ist auch alzo / sunder daz du von vnde~ of slest dyne hant / zo windestu syne weg / zo ku~pt syne hant / vnder dyn arm / zo lestu yn vm lawfen / ader setczest ym eyn fus vnder zo vellet her / Das selbe geverte magstu tu~ czu der and°n hant auch czwei / zo w°de~ auch viere / das werden deñe nu achte / Doch merke we~ du/yn v^emgreifest mit dem leibe / ad° vm den leip / vnd dyn hewpt harte harte heldest an seyne brust / vnd we~ her dir deñe an das kyñe greifet m^t eyn° hant / vnd m^t der and°n an das hewpt / zo stoz yn weg / Dornoch / stoz yn /magstu syne hende / m^t eym pey~ vörsetcze~ auch weg stoze~ / So mag her dir dyn peyn auch weg stoze~ / mit sym fuße / vnd auch dich obñ mit syne~ hende~ / das bricht dir deñe weder dyn ringen / vnd dyne sterke / Vor hatzstu nu achte

88v

vnd aus itzliche~ newn / Nu merke aber and° vire vnd aus itzliche~ gen irer newne als vor / Wen her dich begreift an dyne brust vorne / zo drucke syne hende m^t dyne~ von obñ neder an dy brust / als vor / der hastu noch newne / daz ist nu das erste / Daz ander als vor m^t deyme elboge~ von obñ neder / als vor vm syne hende gewu~dñ / zo hastu doraus arber newne / Das dritte von vnde~ of pey der brust / gestoze~ / zo hastu aber newne / Das vierde võ vnden of mit dyne~ knochen / zo hastu ir aber newne / Alzo hastu ir czwelfte / vnd aus itzliche~ newne /           
Merke mit dem selbe~ sloffe [? Unleserlich.] ader (Über der Zeile nachgetragen.) stosse~ vnd vm m^t (Oberhalb der Streichnung eingefügt.) den magstu eyne~ von dir bre~ge~ / wo her dich an greifet / We~ her dich an greifet pey dem ermel / do vorne pey der hant / ader kege~ den ermeln an dem gelenke / ader m^t eyn° hant an dy brust / ader wo her dich an greift / zo magstu yn m^t dem selben slon vnd mit winden von dir bre~ge~ / vnd dornoch magstu yn stoze~ wy du selber wilt / das her czu dir / m^t nichte kome~ mag / noch mag / dich recht m^t nichte begreifen oberal an dem gancze~ leibe /
Eyn ander czulawfen merke / we~ her czu dir nü spri~get / vnd du ym eyn pey~ hast vorsaczt / zo mag her mit eym spronge dir entgen / mit eyn° hant gegriffe~ noch dem pey~ vnd mit syn° and° hant an dy brust gestossen das du of das hewpt vellest / Das ist do weder / wen her noch dem beyne greifet / zo czucke is hinderweit / vnd rucke yn noch dir zo vellet her of das antlitzt / Merke das ander gesetcze / wen her kege~ dir springt / zo mag her dich vnder den arme~ vm greife~ / vnd m^t seym pey~ hin noch schreite~ / wirft dich of de~ / rucke gar harte / Das ist dorweder / wen her dich zo vm greift / zo valle balde vnd snelle of dy seite dyn / das ist dy beste büße / czu de~ ringe~ /
Merke das dritte gesetcze wen her czu dir spri~gt ader schreit / zo mag her dich derwischen mit syne~ peide~ vör dy prust dyn / vnd vellet neder vnd rückt dich of noch ym / vnd springt dir m^t syme fuze enkege~ / vnd wirft dich ober sy~ hawpt /

89r

das du verre enweghin schüst / Das ist do wider / wen her dich zo greift / snelle vnd gar balde valle of yn / vnd volge ym / zo mag her dir nicht getun /