| English Version |

Transkriptionen | Albrecht Dürer| Dolch

« zurück zur Übersicht

112v	Das ist das vechten mit Dem Degenn Item merck das der vnter Stich Ist der Erst stich Ist der erst stich [!] Im degen vnd hatt neun Stuck mit lerer hand das Erst treib also setz dein linken fus vor vnd hab dein linke hand an der prust wan er Sticht das ver setz Im also Starck ~~von der~~ mit deyner linken handt
113r	auff vnd In der versatzung far vnndenn ~~auff~~ ab vmb seinen Rechten arm das dein hand kum wider an dein prust vber sein arm vnd mit der Rechten hand nim In den degen vnd druck dein elepogenn auch hart an dein Brust Das ander Item das versetzt Im Starck also vor vnd far vnden vmb den arm bis an dein prust vnd mit deyner Rechten hand greiff hinter seynen rechten elebogenn vnd reiß den Starck von dir nyder so pricht Im der arm oder muß vallenn Das Dritt Das versetz Im Starck als vor vnd mit deyner rechten hand greiff vnden an seynen knopff vnd leg auch die hand also mit deinen beiden henden vnd reib die rechten hand auff dein linck seyttenn Das vierd stuck Das versetz Im Starck als vor vnd leg dein Rechte hand auff dein linke / vnd In der versatzüng So greiff mit deiner rechten hand an seynenn kn [?] vnd mit deyner linkenn hand far vmb sein arm als vor So nimstu Im den degenn Das funfft Stuck Das versetz Im mit dem kreutz / das Ist mit beyden hennden oder mit beiden dawmen so halt dein Rechten dawmen vnd den linken obenn vnd In der versatzunge So halt sein gerechte hand In deyner gerechten hand vnd mit der linken hand greiff vnden durch an seynen tegenn an die scheybenn vnd prich den also kurtz vnd So nimstu Im den degen
113v	Das setzst Stuck Das versetz Im mit dem creütz als vor / das der recht daum vnden sey vnd begreiffs sein rechte hand Starck vnnd zeuch sy fur dein brust / vnd Stoß In mit deinem linkenn elpogenn an sein rechten so pricht Im der arm Das Sibend Stuck Das versetz Im Starck Im creutze als vor vnd behalt sein Rechte mit deinen beyden hennden vnd Rucke Im den vber dein linke achsseln pis an sein elpogenn So pricht Im der arm Das Acht Stuck Das versetz Im also vor mit dem creutz das der linck dawm vnden sey vnd In der versatzung so behalt sein rechte In dein linke vnd Stoß die also Starck von dir vnd lauff Im durch sein rechten arm vnd mit deyner rechten hand greiff Im vnter die knyepug vnd wurff In vber sein rechte huff Das Neund Stuck Das Ist greifft er dir an die Brust vnd helt dich Starck vnd Sticht mit dem degen vnden zw so versetz Ime mit deyner linken hand den Stich Stoß mit deyner rechten hand sein linck hand von deiner brust In des far Im vnder seinen hals vnd wurff In vber das recht knie Pruch Nun merck die zwen bruch auff das durch lauffen denn Erstenn pruch dw Solt greiffen vor seiner prüst
114r	vnnd heb vbersich So Ist Es brochenn Der ander Bruch auff das durch lassenn [!] vnd wurff dein arm hoch auff so greifft hinter seinen Ruck In sein linken arm vnd truck fur dich nyder ~~seinen hals vnd wurff In~~ So felt er Auff den ars Sequitur halsstich Das auch Sticht nach dem hals der versetzt mit der linkenn hand starck von der brust vnd also bald So greiff zw mit deinem rechten arm vmb seinen rechten arm hinter sein elepogenn vnd mit deinem Rechtenn pein tritt hinter In auff vber dein rechts pein Ein ander Sticht er nach dem hals das versetz Im Starck mit der linkenn hand als vor vnd In der versatzung far Im oben vber sein rechten arm In dein elpogenn das dein linck hand kum wider an dein Brust Der Bruch Wen dir einer vber dein arm Ist gefallen als oben gesch ribenn Steett so greiff vber sein achsseln die linck vnd begreiff den tegenn bey Spitzenn vnd wurff In vber das linck bein Der wider Bruch Wer dir vber die achsseln greifft an den tegenn vnnd will dich werffen So wart auff den elpogenn vnnd Stoß den fast von dir So felt er
114v	Die verfurgunge Wer dir denn Stich also will versetzenn so schlag den degen zw dem arm / vnd far vnden durch vnd far Im durch denn hals mit dem tegenn vnd heb mit deiner linken hand sein linck pein vnd wurff In Ein pruch auff das Der dich also will verfurn vnd will dir vmb den hals farn So wart auff den Elnpogenn stoß den vbersich vnd nim Im dar [!] recht pein vnd würff In Der ober Stich Der auff dich Sticht den vber sticht so ste mit dem linkenn fus vor vnd versetz Im Starck von der Brust mit der linkenn hand vnd mit deinem Rechten arm vall Im In den elpogen vnd zeuch an dich vnd mit deiner linkenn hand truck oben von dir so pricht Im der arm Der ander Sticht er den obern stich das versetz Im Starck von der Brust mit der linken hand vnd pleib also In der versatzunge vnd mit deiner linken hand greiff lanck vber vnder sein Rechten arm durch bis an dein linke hand / vnd druck Ime sein linken arm vnd Ruck so pricht Im der arm auch magstu dein linke hand lassenn farn vnd nim den tegenn auß dem selbenn Stuck Ein ander Sticht er aber obersich als vor versetzt Im mit der linkenn hand Starck von der Brust als vor vnd mit der versatzung far vber sein arm das dein linke hand kum wider an dein Brust so hastu Inn gefangenn
115r	Ein ander Sticht er den obersich [!] das versetzt Im mit dem tegenn vnd mit deim linkenn arm far Inwendig durch sein Rechten arm so Ist er gefangen Ein ander Sticht er denn / obersich [!] vnd hatt dich vor bey der Brust Starck gefast so Stoß mit deiner Rechten hand sein linke hand Starck naher vnd far Im [!] des vnder sein hals vnd wurff Inn vber sein pein Die verfurünge Wenn dir einer will versetzenn so Stich Bis/das an die versatzunge So schlag den degenn an den arm far vnnden durch far vmb sein hals vnd greiff mit deiner linken hand ann die Spitzenn vnd truck also nyder Der pruch Wen dir einer vmb den hals gefarn Ist vnd hatt sein degen begriffenn so leg dein rechte hand auff sein linkenn arm vnd dein linke hand setz vnden an sein Rechten elbogen vnd heb Starck vbersich vnd mit deiner Rechten druck nyder So Ist es gebrochenn Die ander Sticht er denn vbersich vnd Ist dein Rechter fus vor vnd versetzt Im mit der rechten hand vnd far mit deinem linken arm vber sein Rechtenn vnd greiff mit deiner linken hand an deinen Rechten elobogen so Ist er Das ander Versetzt Im mit dem tegenn vnnd mit dem linkenn arm vnd far vmb sein Rechtenn so Ist er gefangenn
115v	Das Dritt Nim dein tegenn In beid hend vnnd versetz Im zwischen dein Beyden hentten vnd mit dem knopff vnden durch so kumpt sein tegen In dein linke hand vnd Ruck an dich so nimstu Im den tegen Das vierd Das versetz Im mit dem tegenn vnd mit der linken hand verkert Ime den tegenn den ortt auff sein prust vnnd zuck den tegenn vnd Stich Inn Das funfft Das versetz Im also mit dem tegenn vnd tritt auff dein linke seytten vnd In der versatzung so wind vnd sein rechten arm durch das der ortt kumbt auff sein hertz vnnd mit deiner linken hand greiff an sein linke achsseln vnd wurff In vber dein linck pein Ein ander Nim den degenn auff deinen Rechten arm vnd versetz Im also vnd far aussen vber sein rechten arm durch vnd setz Im an den ortt an sein Brust vnd nim In bey der linken achsseln als vor vnd wurff In vber dein linck pein Den Oberstich Sticht er den oberstich den versetz Im mit dem tegenn vnd mit deyner linken hand far vber sein Rechten arm außwendig Ein ander Sticht er den oberstich das versetz Im mit dem tegenn vnd mit deinem linkenn arm far Inwendig durch Seynen Rechten arm so Ist er gefangenn
116r	Die Zwirch Stick habenn vnnd drey bruchenn Sticht er mit den zwirch stickenn das versetzt Im Starck mit deinen Rechten hend vnd greiff mit deiner linken hand an sein Rechten elbogenn vnnd reib Im die arm auff seinen Ruck vnd las dein linck hand faren vnd greiff hinten durch sein pein vnd wurff In auff das an gesicht Der annder Tutt Im als vor vnd wen der arm dein Ruck Ist so Stoßt Im sein Rechte hand vber dein linken elnbogenn heb vbersich so Ist er gepunten vnd gefangen das Ist der vngenant Der dritt Versetz Im aber mit deiner rechten hand vnd Stoß mit der linken ~~lin~~ken [!] handt sein arm von dir begreiff sein pein vnder dem knye heb vbersich so muß er fallen Das vierd Eyner der dir will also versetzenn oder werffenn so greiff mit deyner linken hand vnden an den tegenn vnd Ruck also fur dich nyder Ein wider pruch Wenn dich eyner also begriffenn hatt nim den knopff mit deiner linken hand vnd Ruck nyder Ein anders So stos den tegenn auff mit deiner linken hand an den ortt vnd far Im vmb den hals vnnd Ime tritt fur mit deiner linkenn ~~hend~~ pein vnd wurff In daruber Degen Jegen Degenn Sticht er den vnterstch [!] das versetz Ime mit lerer hand vnd mit dem degen far vber sein Rechten arm das der degenn
116v	In dein linke hand vnd Ruck fur dich nyder

« zurück zur Übersicht