Skip to content

Codex Wallerstein – Messer

Inhalt:

zurück zur Einleitung

Ringen

Teil II

Langes Schwert

Kampffechten

Schild und Schwert nach schwäbischen Recht

Schild und Kolben nach fränkischem Recht

Ringen

29r

Item vichstu mit ainem mit dem messer haut
er dir oben ein so uersechcz mit deinem messer
aussen mit der fläch auf den nagel vnd gee
pald fürsich mit dem tencken fuß vnd uall im mit
dem knopf vber seinen arm als hie gmalt stet so
haust in in den kopf

Von der Hand Paulus Hector Mairs (später hinzugefügt):
Im dusseckhen stennt der stent
Inn allen 8 bar

29v

Item mer ein gucz stuck haut dir ainer zw von
oben nider so uach den slag auf den nagel als uor
vnd gee mit dem tencken fuß inndes vnd stosß in
mit deiner tencken hant sein rechte nider zu
der erden vnd haw in vber den kopff als hie gmalt stet

30r

Item ein gucz stuck haut die ainer oben zu dem kopf
so wint im mit deinem messer vnten durch vnd uach
den straich dar auf vnd uall im mit dem knopf vber
seinen arm vnd reisß an dich vnd trit zu mit dem
tencken fuß vnd uar im mit der tencken hant
vmb den hals als hie gmalt stet so wurfstu
in auf den rucken

30v

Item mer ein gucz stuck wen ainer oben niderhaut so
wint vnden durch mit deinem messer vnd lauf im ein
vnd uar mit deiner tencken hant hoch vber sein rechten
arm vnd uasß hinter das ügssen vnd stich mit deinem
messer zwischen dir vnd im durch an seinen
hals als hie gemalt stet

31r

Item haut dir ainer oben ein zu dem kopf so versecz
aber mit der fläch vnd auf den nagel vnd dauch
im sein messer an wege das er slachen müsse vnd
wen er den slachen wil so such die nachent vnd
zeuch im den arm ab alz hie gmalt stet

31v

Item ein andersß stuck für einen starcken haut dir
ainer starck oben ein so uasß dein messer zu gewap-
neter hant vnd uach den straich dar ein vnd trit
zu im mit deinem tencken fuß vnd leg im das
messer an den hals als hie gemalt stett

32r

Item haut dir ainer oben ein zu dem gesicht
so uar auf mit gewapneter hant vnd uach den
slag in das messer vnd wint im deinen knopf
vber seinen arm vnd reiß hindersich als hie gmalt stet
so prichstu im den arm oder nymst im das messer

32v

Item haut dir ainer oben ein zu dem kopf so uar
auf mit gewapneter hant vnd uach den straich in
dy klingen als uor vnd trit uast hinter in mit deinem
rechten fuß vnd leg im den knopf an denn hals
als hie gemalt stet so würfstu in an den rucken