Skip to content

Jude Lew – Kurzes Schwert nach Mertein Hundsfelder

70r

Hie hebt sich an das kurtz swert
zum kampff als es meister mer-
tein hundsfelder gesatzt hat.

Item nÿm das swert pej der rechten
hant pej dem pind vnd mit der
lincken greiff mit mitten In die
clingen Vnd gee fast zum man
So muß er slagen oder stechen da

70v

kumm vor pis resch greiff frölichen
vnd pleib nahent.

Item Stich Im Inwendig zum ge-
sicht Wert er dir das So far durch
vnd setz Im an außwendig an sein
gesicht Wert er dir fürpas vnd
streichet dir den ort ab So winde
mit deinem knauff Im über sein
rechte achseln vnd spring mit dei-
nem rechten pain über sein linck-
es vnd würffe In über ruck.

Item wer dir das tut vnd hat dir
den knauf an den hals geworffen
so far mit deiner lincken hant von
vnden auf zwischen seinen baiden

71r

armen vnd swing dich dann von

Im auf dein rechte seitten vnd würf
In über die hüff.

Item wenn er dir den knauf vmb
den hals wil werffen So greiff
mit der lincken hant von dir vnd
greiff hintter sein rechte hant an
das pind vnd nym den knopf vnd
zeuch den vnttersich vnd setze Im
an mit deinem swert wo du wilt

Item wenn er dir den knopf be-
griffen hat So winde mit deinem
knauf von vnden auf außwen-
dig vmb sein lincke hant vnd
scheube mit deinem rechten pain

71v

fürsich vnd stos In mit deiner clingen
an sein lincken arm.

Das ander stuck

Item Stich Im aber zum ersten stich
Inwendig zu seinem gesicht vnd
thue zum andern mal als du Im
zum gesicht stechen wöllest In des
far durch vnd setze Im außwendig
zum gesicht Wenn er dir das
weret so schreit mit deinem rech-
ten pein hintter sein linckes vnd
stos In mit dem gehültz In sein linc-
ke üchsen vnd stos Inwendig über
sich so velt er.

Bruch

Item wer dir das tut So schreitt

72r

mit deinem lincken pain hinttersich
vnd vach den stos zwischen dein
baide hende In die klingen vnd
wind mit dem knopff von vnten
auf über sein lincke hant vnd
spring mit deinem lincken pain
hintter sein rechtes vnd stos Im
beide swert über sein hals So hastu
den ruck angewunnen etc.

Widerpruch

Item wer dir beide swert über
den hals wil stossen so stee streit-
lich still mit deinem rechten pain
vnd las dein swert farn pej dem
pind vnd greiff mit deinem rech-
ten arm hintten vmb sein ruck
vnd ruck zu dir So hastu In on
zweifel etc.

72v

Das dritt stucke

Item Stich Im aber zu seinem ge-
sicht Inwendig vnd far In dem
andern stich durch vnd stich In
außwendig zum gesicht. Weret
er dir das aber So scheub mit

deinem lincken pain zwischen sein
beide pein vnd greiff mit deinem
knauff aussen über sein linckes pein
In sein kniepüg Vnd leg dich
mit deiner lincken achseln oben
vast vmb In vnd heb vnden vast
auff vnd druck auf sein lincke seitten.

Item wer dir mit dem knauf wil
farn In die kniepüg dem greiff
mit deiner lincken hant hintter

73r

sein lincke hant pej dem arm vnd
greiff mit deiner rechten von vn-
den auf Im an den elnpogen vnd
das dein vinger oben steen so würf-
stu In auf das antlütz etc.

Das vierd stuck

Item wenn du Im Inwendig zum
gesicht stichest vnd er dir wider
So gang eben auf sein swertt
vnd begreiffe sein swert pej der
clingen In die hant vnd setz In des
den ort an vntter sein lincke üchsen
Wert er dir das vnd begreifft
dir dein swert auch als du das
sein hast So arbeit auß einem
reisßen als hernachgeschrieben stet etc.

73v

Das erst reissen

Item Stich Im Inwendig zum ge-
sicht Weret er dir das vnd setzt
den stich ab So winde mit deinem
knauf von vnden auf dein lincke
seitten von oben über sein swertz clin-
gen zwischen seinen baiden henden
vnd reisß vast an dich so reistu
Im sein lincke hant von der clingen
vnd stich Im den zum gemechtt
Ist er dir zu starck das du Im die
hant vom swert nicht gereissen
machst So winde mit deinem
knauf aber von vntten auf dein
rechte seitten über sein lincke
hant vnd stos In mit der clingen
In sein lincke seitten von dir etc.

74r

Das ander reisßen

Item Stich Im Inwendig zum ge-
sicht vnd wind aber mit dem knauf
auf dein lincke seitten von vntten
auf über sein klingen zwieschen
seiner hant reiß aber vast an dich
stich Im zu seinem gemecht. Wert
er dir das vnd fecht das swert dir
vnd du auch das sein das baide
swert gefangen sein So würff
dein swert mit dem knopf Im In
sein rechte seitten vnd spring mit
deinem rechten pain hintter sein
linckes vnd nym den ruck vnd
heb In eins zweren vingers hoch
auf von der erden vnd slag In
mit deinem rechten fus außwen-
dig an sein rechten enckel vnd wür-
fe In auf sein rechte seitten.

74v

Das dritt reissen

Item thue Im gleich als oben ge-
schrieben stet vnd ob die baide
swert gefangen wern so würff
Im aber dein knauf In sein rechte
seitten vnd spring mit dem rechten
pein hintter sein linckes vnd greif
Im mit deiner rechten hant In
pej seinem arschpacken vnd greiff
mit deiner lincken hant von vnden
auf Im an sein kinpacken vnd zeuch
vnden an dich vnd stos oben von
dir So felt er an den ruck etc.

Der vierd pruch

Item wer dir mit der lincken hant
fert vntter den kinpacken vnd dich

75r

mit seiner rechten hant pej dem
lincken arschpacken hat vnd will
dich über ruck werffen So greiff
mit deiner lincken hant Im auff
sein lincke vnd begreiffe In pej den
vingern vnd prich Im die hant
auf dein lincke seitten vnd far mit
seiner rechten hant an sein lincken
elnpogen Vnd nym Im das gewicht

Das vierd reissen

Item ist aber das baide swert ge-
fangen sein Würffe Im aber dei-
nen knauf In sein rechte seitten
vnd spring Im mit deinem rechten
pain hintter sein linckes vnd be-
greiff In mit deiner lincken hant
pej dem arm vnd greiff mit dei-
ner rechten hant In pej seinem

75v

elnpogen vnd nÿm Im das ge-
wichte.

Das funfft reissen

Item wenn er dein swert gefangen
hat vnd du das sein So gee dur-
ch beide swert auf dein lincke
seitten so gewinstu Im sein swert
aus das er dir das lassen muß
Behelt er denn sein swert vnd lest
dir das dein So thue sam du
Im zum gemecht wöllest stechen
Wer er dir das vnd greifft mit
seiner lincken hant nach dem
swert So stich vnden durch durch
sein swert auf sein recht seitten
Im über sein rechten arm an
sein prust so prichstu Im sein swert
aus seiner hant so würff sein swert

76r

mit dem ort gegen Im vnd mit
deinem swert falle In die obern
hut etc.

Der widerpruch

Item wer dir das tut vnd dir
durch bede swert lauffen wil
Stos Im pede swert über den hals
vnd mach dich scher.

Ein widerpruch

Item wer dir die scher hat gemacht
So greiff mit deiner rechten hant
von vnden auf hintter sein rechte
In das pinde das dein negel an
dein vingern oben steen Vnd würff
denn dein swert vast von dir auff

76v

dein lincke seitten vnd kere dich ge-
gen yn auf dein lincke seitten vnd
winde mit deinem knauf aussen
über sein rechte hant vnd slage
In mit dem knopf vnd mit dem
gehültz wo du wilt.

Das sechst reissen

Item wenn die swert beide gefangen
sein So würff dein knopff fast
von dir auf dein rechte seitten
vnd Im auf sein lincke seitten vnd
spring mit deinem rechten pain
hintter sein linckes Vnd greiff
mit deiner hant von vnden auf
Im In sein rechte üchsen vnd heb
mit seinem swert übersich So wür-
festu In auf sein rechte seitten, das
ist das pest vnd letzt vntter den
                                       reissen

77r

Das ist aber ein stuck

Item Sticht dir einer zum gemecht
So stich Im auch zum gemechtt
einen stich Den andern stich von
oben nider auf sein lincke hantt
zwischen sein beiden armen vnd wind
mit dem knauff von vntten auf
In sein rechte seitten Schreit mit
deinem rechten pain hintter sein
linckes vnd würffe In uber den
dich.

Der widerpruch

Item wer dir das tut So las dein
swert gen pej der clingen vnd
begreiff mit deiner lincken hant
über sein scheilter [?] Vnd begreif dein
swert wider pej der clingen vnd

77v

druck yn vast zu dir vnd swinge
dich von Im auf dein rechte seitten.

Aber ein stuck

Item arbeit er mit der höhe vnd
sticht dir zum gesicht So stiche
von vnden auf zwischen sein bai-
den armen vnd über sein lincke
achsel Begreiff In mit deiner hant
hintter seiner lincken vnd würff
dein swert mit dem pind auf dein
lincke achseln vnd greiff mit deinem
rechten Im an sein lincken elnpogen
Stos vast von vnden auf vnd nym
das gewicht so bleibt das swert
vntter seinem lincken arm zwischen
ewer beider.

78r

Aber ein stuck

Item arbeit er aber hoch mit dir
So stich aber vnden auf zwischen
sein beide arme vnd las dein lincke
hant farn von der clingen vnd
greiff oben über sein swert resch
Vnd begreiff dein swert wider pej
der clingen vnd stos Im bede swert
denn über den hals hintten über
sein rucke gar abhin In sein beide
kniepüg vnd reiß vast vntten
an dich Vnd mit dem haubt stos
oben vast von dir So würfstu
In auf den ruck.

Ein pruch dawider

Item wer dir das tun wil vnd

78v

wil dir baide swert über den hals
stossen So far mit deiner rechten
hant In sein lincke seitten über
sein ruck vnd schreit mit deinem
rechten pain forn für sein linckes
pain vnd würffe In über die hüff
Der pruch geet zu baiden seitten
zu etc.

Aber ein stuck

Item Stich Im Inwendig zum ge-
sicht vnd begreif denn sein swert
pej der clingen zu deinem swertt
In dein lincke hant vnd winde
mit deinem knauff von vnden
auf über sein rechte hant vnd
heb denn vast übersich vnd reisß
denn auf dein rechte seitten So
bleibt dir dein swert auf deinem
rechten arm Das ist das swert
                            nemen

79r

Aber ein stuck

Item wenn du Im ein lauffest So
stich Im außwendig zu seinem ge-
sicht vnd greiff mit der lincken
hant Im zwischen sein beide hende
In sein swertz klingen Vnd las
denn dein swert fallen vnd greif
mit deiner rechten hant hintter
sein lincke auch In sein swertzclingen
vnd truck mit deiner rechten hant
sein swert fast zu dir In dein rechte
seitten so greiff denn mit deiner
lincken hant von oben nider zwi-
schen sein baiden arm So nympstu
Im das swert

Ein widerpruch

Item wer dir das tut vnd dir

79v

das swert nemen vnd auß winden
wil mit deiner rechten handt
hintter sein rechte vnd mit deiner
lincken hintter sein rechten elnpo-
gen So gewinstu Im den ruck an

Aber ein stuck

Item Wenn ir baide vmb ein swert
kriegt So tracht das du habst
dein lincke hant hintter rechten
In seinen pind vnd In dein rechte
hant zwischen seiner pej der (?) hende
In swertzclingen So begreiff In
denn mit deiner lincken hant In
seiner rechten vnd greif denn mit
deiner rechten von vnden auff
vntter sein rechten arm vnd schreit
mit deinem rechten pein hintter

80r

sein linckes. Zuckt er das pain an
sich so schreit zwischen sein bede
pein vnd stos Im denn sein arm
mit deiner lincken hant von
dir auf dein lincke seitten vnd
zeuch Im mit der rechten sein
rechten arm fast an dich vnd
einwendig übersich auff dein
rechte seitten.

Hie heben sich an die
mortschlege.

Item der erst mortslag Triff
fast In yn vnd thue sam du In-
wendig zum gesicht wöllest stechen

80v

las dann dein rechte hant faren
von deinem pind vnd kumme da-
mit deiner lincken hant zu hilff
In die swertz clingen vnd slahe
In mit dem knopf oder mit dem
gehültz oder mit dem pind zu sei-
nem haubt.

Ein pruch dawider

Item wer dir zum kopff slechtt
So vahe den slag zwischen dein
beid hende In dein swertz clingen
vnd wind mit dem knauf auf
dein lincke seitten über sein gehültz
vnd fast an dich zeug so zeuchst
Im das swert aus seinen henden

Item Stich Im aber Inwendig zum

81r

gesicht vnd las aber dein swert
farn mit dem pind vnd begreiffe
aber dein swert mit beden henden
pej der clingen vnd vach Im mit
dem knauf zu der lincken achseln.

Der ander mortschlag

Item vah den slag zwischen beide
hende In die clingen vnd windt
mit dem knauff von oben nider
über sein gehültz vnd ruck vast
an dich So nympstu Im aber das
swert als vor etc.

Der dritt mortslag

Item den du zu seinem lincken elnpo-

81v

gen den prich als du die vorge-
nantten zwen geprochen hast

Der vierde mortslag

Item thue als du Im zum gesicht
wöllest stechen vnd slahe In mit
dem knauff an sein lincken kin-
pack.

Der ander pruch dawider

Item wer dir zum lincken kinpack
schlecht So fah den slag zwischen
dein baid hende In die swertzclingen
Vnd das der knopf gegen der er-
den stee Vnd wind von vntten auf
dein rechte seitten vnd ruck fast

82r

hinttersich So benÿmpstu Im das
swert etc.

Der funfft mortslag

Item thue aber Sam du Im wilt
ansetzen Inwendig In das gesicht
vnd slahe In mit dem knauf vnden
an sein lincken enckel.

Der pruch dawider

Item wer dir zum enckel slecht so
las dein swert vorn pej dem knauf
vnd mit dem pind In die erde So
vechstu den slag In das gehültz
vnd spring resch mit deinem
rechten pein hintter sein lincke
seitten so gewinstu Im den ruck an.

82v

Vier ansetzen

Item Gee In yn vnd setz Im an sein
gesicht oder an den hals oder an
sein prust oder vntter sein linckes
ṽchsen.

Ein pruch

Item hat er dir angesetzt mit seinem
swert an dein prust So far mit
deiner lincken hant von oben nider
auf sein swert vnd halt das vest
pej dem ort vnd stich dem mit
deinem swert hintter sein linckes
pein vnd scheub mit deiner prust
ein wenig für dich vnd ruck
denn deinen leip bald auß seinem
ort Stos In mit deiner lincken
hant vntter sein gesicht oder an

83r

sein prust hinttersich über dein
swert.

Item hat er dir aber angesetzt
vnd du Im auch So stich mit
deinem swert hintter seinen hant-
schuch vnd lauff für sich auff
dein lincke seitten etc.

Aber ein losung

Item wenn ir baide swert habt
angesetzt So greiff mit deiner
lincken hant aussen über sein lincke
vnd zeuch den ort ein vnd stich
von vnden auf In sein lincken tener.

Item wenn er dir hat angesetzt

83v

an dein prust vnd wil dich drin-
gen So stich mit deinem swertt
von oben nider über sein lincken
arm zwischen seiner beider hende.

Ein widerpruch

Item wer dir das tut So las dein
lincke hant von der clingen schreit
mit deinem lincken pein für yn
begreiff dein swert über pej der
clingen vnd ruck In fast zu dir
Vnd swing dich denn auf dein
rechte seitten So würfstu In für
dich etc.