Jude Lew - Ringen nach Meister Ott

85r

Hie heben sich an die Ringen die
Maister Ott gedicht hat der
ein getauffter Jud gewesen ist

ITem In allen Ringen süllen sein
drej dingk. Das erst kunst
. Das ander schelligkeit.[!] Daz
dritt ist recht anlegung der sterck
Darümb soltu mercken das pest
ist schnelligkeit die nit lest zu-
prüchen kommen Darnach soltu
mercken das man allen krancken
sol vor Ringen vnd allen starcken
nachringen Vnd In allem vor-
ringen wardt der schnelligkeitt
In allen mitringen wart der wog
Vnd In allen nachringen wartt
der kniepüg.

Item wenn du mit einem Ringen
wilt auß den armen So gedenck
albeg das du In fassest mit deiner
lincken hant In der mauß seines
rechten armes vnd mit deiner

85v

rechten hant In fassest außwendig
seins lincken armes vnd mit der lincken
hant die du In der mauß hast
truck frisch zu rucke vnd mit deiner
rechten hant begreif Im sein lincke
hant vorn vnd zuck vast zu
dir Vnd wann du einen also ge-
uast hast So treib die ringen
die hiernach geschrieben sten wel-
ches dich am pesten duncket

Item Das erst stuck Wann du
In also geuasset hast So far mit
deiner lincken hant auf [das Wort »auf« ist nachträglich in anderer Handschrift klein über der Zeile zwischen den Wörtern eingefügt worden.] sein rechten
arm vnd begreiff In vntter seiner
rechten hant da du sein lincke
hant Innen hast Stos Im den arm
von dir So verrenckstu Im den arm.

Item ein anders auß den vassen.
Heb Im auf den lincken arm mit
deiner rechten hant Vnd far Im
mit dem haubt durch den arm

86r

vnd zuck Im den über deinen hals
vnd mit der lincken hant begreiff
Im sein linckes pein In der kniepiegung
vnd würff In also über den rucke.

Item ein anders auß dem fassen Heb
Im auf den lincken arm mit deiner
rechten hant vnd greiff Im mit
deiner lincken hant vnden In sein
elenpogen vnd zuck damit zu dir
vnd mit der rechten stos oben von
dir vnd spring mit deinem lincken
fuß hintter seinen rechten fuß vnd
würff In auß dem fuß über dein
linckes pein etc.

Item aber eins ausß dem erstenn
fassen Halt In vest mit deiner
rechten hant sein lincke vnd greif
mit deiner lincken hant deiner
rechten zuhilff vnd halt vest mit

86v

beden henden Vnd wende dich durch
seinen arm auf dein rechte seitten
So gewÿnnestu Im den ruck an.

Bruch

Item wer dir durch gee dem gee
mit durch vnd vall In ein ringen
In welches du wilt.

 Item halt In vest mit beden henden
sein lincke vnd wend dich durch
sein arm auf dein lincke seitten.

Also brich das.

Item halt Im sein lincke hant vest
mit deinen baiden henden vnd wend
dich durch sein arm auf dein lincke
seitten vnd zuck Im den lincken
arm über dein rechte achselnn vnd
ruck vnttersich.

87r

Item Wann dir einer hat geuast
dein lincke hant mit seiner rechten
vnd will mit seiner lincken hant
vntten durchfarn an deinem elen-
pogen vnd will dir den verrencken
oder wil seiner rechten hant zu-
hilff kommen vnd sich durch den
wenden die weil er mit der linck-
en der rechten zuhilff greiffet
oder nach dem elenpogen In dem–
selben so far Im mit deinem rechten
arm oben über sein lincken In sein
rechte seitten vnd faß In In der wüst
vnd spring mit deinem rechten
fuß hintter sein lincken fuß vnd
würff In auß dem lincken fuß
über dein rechtes pein etc.

Item Greifft dir einer oben In die
arm mit sterck vnd hat dich vest
vnd wil dich dringen So far mit
deinem rechten arm aussen über
sein lincken arm vorn pej seiner

87v

hant vnd begreiff mit der lincken
dein rechte vnd druck mit beden
sein hant vast an dein prust

Item strecket er dir die vinger
an der hant die du Im an der
prust druckest So greiff Im In
die vinger mit deiner lincken
hant vnd heb übersich auf dein
lincke seitten vnd mit der rechten
hant nÿm das gewicht bej dem
elenpogen.

Item helt er aber die hant zu an
deiner prust So spring mit deinem
rechten fuß hintter seinen lincken
vnd greiff mit deiner lincken in
die kniepiegung seins lincken
fusses vnd heb damit auf vnd
mit der rechten hant stos In oben
von dir So vellet er.

88r

Aber ein gut ringen

Item helt dich einer las In den
armen Wenn du mit Im ringen
wilt So greif mit deiner lincken
hant oben über sein rechte vnd
begreiff sein lincke hant pej den
vingern oder sunst vnd heb auf
dein lincke seitten vnd mit der
rechten nym Im das gewicht
bej seinem lincken elenpogen etc.

Also brich das

Item wer dir das tut vnd dir mit
der lincken hant nach den ving-
ern greifft vnd wil dir mit der
rechten das gewicht nemen bej
dem elenpogen Denn so far mit
deiner rechten hant vntter seinen
lincken arm In die wüst vnd
spring mit deinem rechten fusß
für vnd würff In also.

88v

Item ein pesser pruch Wann er
dir mit der lincken hant dein
lincke begriffen hat vnd wil
dir mit der rechten das gewi-
cht nemen pej dem lincken elen-
pogen So sencke dich nider vnd
far Im mit dem lincken elenpogen
In die wüst vnd spring mit
dem lincken fuß hintter sein
rechten Vnd begreiff Im sein
rechten fuß mit deiner rechten
hant In der kniepiegung vnd
zuck damit zu dir Vnd mit der
lincken hant stoß In oben von
dir So velt er.

Item Wann dir einer begreiff dein
lincke hant mit seiner lincken
vnd nympt dir mit der rechten
das gewicht vnd stöst dir den
lincken elenpogen hoch auf vnd
wend dich mit dem haubt dar-

89r

durch vnd far Im mit dem rechten
arm In sein lincke wüsten vnd
spring mit deinem rechten fuß
hintter seinen rechten vnd würff
In über dein rechte hüff.

Aber ein Ringen

Item wann dich einer gefast hat
pej den armen vnd du In wider
Helt er dich dann lose, so slag
Im sein lincken arm auß mit
deiner rechten hant von oben
nider vnd begreif Im damit
sein linckes pein In der kniepie-
gung vnd zuck zu dir Vnd
mit der lincken hant stos In vorn
an die prust an seiner lincken
seitten So muß er vallen

Also brich das

Item wenn dir einer greifft vorn

89v

an die prust mit seiner lincken
hant So begreiff Im sein lincke
hant mit deiner lincken vnd
reibe vmb vnd mit deiner rechten
hant nÿm Im das gewicht pej
dem lincken elenpogen.

Item oder stos In mit deiner rechten
hant seinen lincken elenpogen
übersich vnd wend In also von
dir etc.

Aber ein ringen

Item wann du dich mit einem ge-
fasset hast pej den armen Helt
er dich dann lose So slag sein
rechte hant auß mit deiner linck-
en von oben nider vnd far Im
damit vnden durch sein rechten
arm Vnd begreif In hinden vnd
halt In veste vnd zuck Vnd mit
der rechten hant begreif In auß-
wendig In seiner rechten kniepi-

90r

gung So würffstu In auff die
lincken seitten Vnd das get zu
beiden seitten zu.

Hie heben sich an die leip ringen.

Item Wann du dich mit einem ge-
fasset hast das du ein hant
vntter seinem arm hast vnd
die andern oben vnd er auch
also vnd einer den andern zu
Im rucket so magstu In mit der
hant die du vnden hast hinden
begreiffen vnd vast halten vnd
In werffen mit den ringen Als
negst vorgeschrieben stet

Aber ein leipringen

90v

Item Wann du dich mit einem ge-
fast hast pej den armen als oben
geschriben stet vnd gener ist starck
vnd druckt dich fast zu Im So
setz Im den elenpogen an die kelen
vnd druck In damit fast das tue
mit der hant die du oben hast
So muß er dich lassen.

Ein ander gefertt

Item ob dich einer hat gefast vnter
deinen armen vnd trucket dich
fast zu Im mit sterck vnd tut dir
wee So brich dich also von Im
Greiff Im mit beden dawmen
In die augen oder vntter sein kin-
packen oder mit beden dawmen
In sein kelen so muß er dich lassen.

Hastu dich aber mit einem gefast
als vorgeschrieben stet so far Im

91r

mit deinem arm den du oben hast
vntter den kinpacken an den hals
vnd stos In vast von dir Vnd mit
der hant die du vnden hast be-
greiff Im das pein In der kniepie-
gung vnd zuck damit zu dir
So württ er geworffen etc.

Item ob dir einer das prechen wolt
vnd wolt dir das gewicht ne-
men pej dem elenpogen So senck
denselbigen elenpogen vnttersich
vnd truck Im den In die seitten
vnd mit der andern hant begreif
Im ein pein In der kniepiegung
Vnd würff In.

Aber ein leip ringen

Hastu dich aber mit einem ge-
fasset als vorgeschriben stet,
helt er dich dann lose und druckt

91v

dich nit fast So wechsel die hant
die du vnden hast Im auf die an-
dern seitten außwendig In sein
kniepiegung vnd heb damit auf
Vnd mit der hant die du oben
hast far Im oben für den hals,
Vnd stos In damit oben von dir
So felt er.

Aber ein leip ringen

Item Wann dir einer mit seiner
rechten hant zwischen deinen
peinen durchfert vnd fast dich
hinden pei der Joppen So pück dich
mit dem gegen Im vnd far von
aussen vnden durch sein rechten
arm vnd heb damit übersich so
mag er dich nicht gewerffen

92r

Aber ein Ringen

Item ob dich einer bej einer hantt
begriff vnd wolt dich übersich
mit seinen beden henden vnd het
dich gefast pei der lincken hant
vnd wolt dich rucken auff sein
rechte seitten so las dein rechte
hant oben durch über sein lincken
arm In sein rechte seitten vnd faß
In ÿn der wüst mit der rechten
hant vnd mit der lincken fall
Im In ein kniepiegung

Aber ein ringen

Item vast dich einer vorn pej der
prust mit beden henden So far oben
über mit der rechten hant über
sein lincke vnd zwing Im die vnd
mit der lincken hant an sein rechten
elenpogen vnd schrenck mit dem
lincken fuß etc.

92v

Wider die schrencken In armen
ein bruch etc.

Item Wann dir einer schrencken
wil mit der rechten hant so schr-
enck Im wider mit der lincken.

Aber ein ringen

Item slag auß mit beden henden
vnd fall Im mit beden henden In
die kniepiegung vnd zuck zu
dir vnd stos In mit dem haubt
vorn oben In die prust vnd würf
In zu ruck.

Ein pruch

Item faß In oben pej dem hals vnter
dem üchsen vnd leg dich vast
oben auf in vnd dritt wol zu
ruck mit den füssen das er dir
keinen begreiffen mag So truck-
estu In zu der erden.

93r

Aber ein Ringen.

Item ob er den rechten fuß fürsetzet
So zuck In mit der lincken hant
pej seiner rechten vnd slag In an
den enckel seins rechten fusses mit
deinem lincken fuß vnd ruck
In nÿder etc. Oder fall Im zu der rechten
hant In die kelen vnd truck In über rucke.

Aber ein ringen

Item hebt dich einer los pej den
armen So greif mit deiner linc-
ken hant nach seiner rechten vnd
begreiff Im die vinger vnd halt
In vast Vnd slag auf mit deiner
rechten vnd far Im durch vntter
seinen arm vnd faß In ÿn der wüst
mit der lincken In ein kniepiegung

Aber ein ringen

Item fasset dich einer hinden pej

93v

der gürttel So sencke dich nÿder
vnd wann er dich erhebt So
wend dich vmb vntter Im vnd
würff über rucke.

Aber ein ringen.

Item gee mit der rechten hant
durch vnd slag In oberhalb der
hüff In der waich vnd far mit
der lincken hant oben über sein
rechte achseln vnd slag dann
dein rechte hant Im gelencke
vnd halt die veste vnd heb In
auff vnd mit deinem rechten
knie erheb Im sein lienckes knie
vnd würff In für dich etc.

Aber ein ringen

Item begreiff Im sein rechte hant
mit deinen beden henden vnde

94r

zuck In auff die rechten seitten vnd
schreitt mit deinem rechten fuß
hintter seinen rechten vnd far
Im mit dem rechten arm In sein
lincke seitten vnd würff In über
dein rechte hüffe etc.

Aber eins.

Item Wann dir einer mit seinen
beden armen will farn vntter
dein bede arme So far von oben
nider mit deinen beden armen
aussen vntter sein elenpogen,
vnd sleuß dein arm zusammen
vntter sein elenpogen vnd heb
mit sterck übersich vnd prich
Im die arm.

 Item Auch magstu Im fallen In
die kelen vnd Im zu dem ruck
drucken.

94v

Aber ein Ringen.

Item Wann du vnden pist mit
den armen So magstu In oben
fassen bej der kel oder pej dem
kinpacken vnd Im den hals wol
über ruck prechen Aber du must
wol mit den armen durch sein
arm faren.

Aber eins

Item pistu mit dem lincken arm
vnden so fall Im mit der rechten
In die kelen Vnd schreitt mit
dem lincken fuß hintter seinen
rechten vnd druck In darüber
bej dem hals.

 Item würff In auß dem fusß
zu beiden seitten

Aber ein ringen

Item Wann du einem mit beden

[An dieser Stelle bricht der Text ab.]

Jude Lew – Ringen nach Meister Ott