Sigmund Ringeck – Ringen (66r – 77v)
Inhalt:
zurück zur Einleitung
Johannes Liechtenauer
Verse
Sigmund Ringeck
Langes Schwert (10r – 35v)
Langes Schwert (36r – 48v)
Langes Schwert:
weitere Stücke
66r
Hie heben sich an gůtte ringen vnd ander gůtt brich ~
Gib Im zu fessen also Daß du das kündest brechen jo Wenn er dich nun gefasst hat / vndẽ den armen an der statt / Druckt er dich an in / darnach stät och sin sÿn daß er dich will vffheben mitt den armen soltdu nider schweben In vnder daß knÿ zefassen In sinẽ trucken ste wol mitt hassen Im das haupt über den rũck mitt baÿden armẽ du nitt zũck Also wirfest du den starcken man mitt diner schwachait vff die ban ~
66v
Ain ander stuck
Wenn du dich mitt ainẽ wilt fassen / vnd nims nÿmst in mitt zorn vñ mirtt hassen / Wenn er dir tůt den schwüch So lauß den arm farn Schnell ruck in bÿ den harñ Darzů ruck heb vff mitt bant Vff die achsel all zů handt / mitt sinẽ hawp haupt lauff an die wand do / er ist deñ also versto ~~~~:~
Ain ander stuck
Zuo dem ersten mal mörck nun wenn du mitt ainẽ le luffest zů / Vnd er och die baiden arm zuckcet / mitt ganczẽ lÿb vnd
67r
zucket So lauff an in mitt der lincken sÿtten den lincken arm lass schnell gleÿten Die zwer vmb sinen halß zů hand die rechte zwischen sin bain bekant vnd stürcz in über daß haüpt darmitt wirt er bedaũpt ~
Ain ander stuck ~
Wenn du zů lauffest mitt ainẽ glÿchen Siner störck solt du nitt wÿchen In follem lauff zů dem fassen / er mag er warlich nitt gebüssen Vnd fach in vnden mitt den henden / vnd stürcz in vff die lenden / Doch ko lug daß es dir nitt geschiech (Dieser Satz ist über- und unterstrichen.) noch (Dieses Wort ist eingekreist.)
67v
Mitt / Ain andẽ stuck ~
Mitt v follem lauff grÿff im sin rechte hand / mitt dinẽ lincken turck tück laũff thũ Im begant Durch sinen (Korrigiert aus »sinem«.) arm gar schnelle mitt behendẽ lauff mach dir ain gefelle Nÿm in bÿ dem schenkel faste doch sin hand halt veste Vñ secz in vff daß haupte sin nach allem willen din Ich globß nitt (Dieser Satz ist über- und unterstrichen.)
Ain ander stuck
Wenn du mitt ainẽ laffest zů sinen lincken arm fach du nür Gar schnell vß der ebichen hand mitt der rechten sÿn bain sÿ dir
68r
bekant Vnd mitt dem selbẽ zucken můß er dir kören den rucken So magstu du vff sin haupt ain gefell oder stoß in gar schnell kain besser bůß ist dowider / dann er buck sich schnell nÿder Vñ schlÿff durch den arm din So hat er gewoñen die bůß din ~
Ain ander stuck ~
Das erst ringen / Nÿm din vndern arm ṽber sin obern arm / vor dem halß alß ferr du magst Vnnd den andern arm In knÿkelen daß gat zů von bavden sÿtten ~~~~
Der bruch
Der ai arm der oben ist den wechsel vñ grÿff
68v
im fornen an den halß mitt der anderẽ hand aber an daß bain /
Item wann du zů dem ersten Ringẽ nicht komen kanst So wechsel die vnderen handt oben vnd die obern vnden Also daß die ain hand sÿ an dem halß vñ die andern an dem bain daß trÿb von baiden sÿtten Der vil ringen gert Vnnd haisset der bainbruch an dem arm ~~~~
Ain stuck ~
Daß dritt ringen Welchen arm du vnden häst den schlach über sin arm vñ grÿff mitt der anderen hand der zů hilff vnd
69r
versecz den fůß derselben sÿtten von sinẽ bain wol hin dan vñ wirff in für dich vff daß antlicz Das get vff baÿden sÿttezn zů ~~~
It~ schlüß die vndersten hand in die obresten vñ zeüch in bÿ dem halß nider I vnd tritt in mitt den füssen hinder dich Daß sind die drÿ dreuÿ ringen die mag man triben och zůlauffents vff baiden sÿtten Vnnd och die brüch die da wider sÿenn / ~
Ain ander stuck
Ob ain man baide arm vndẽ gaffen hätt vnd wolt dich weg tragen oder werffen mitt störck
69v
Der bruch
Ffall im mitt baidẽ armen an sin kel vñ truck in ~
Ain ander bruch
Wennd im den kopff vmb baiden henden die ain hand an daß kün die l ander hinden an dz haũpt
Bruch
Baid daumen vnden an die kell vn die andern fingẽ an die ogen ~~
Bruch
Druck in mitt den daumen an den schlaůff ~
Ain ander stuck
Wilt du mitt ainẽ ringen zů laũffen So schũß schlũß baÿd arm über din brũst Vn stos in für den halß Da mitt bück dich vñ griff in bÿ dem bain vnder
70r
den waden mitt baidẽ hendẽ vñ wurff in überdich ~
Ob dich hinder In begrifft In der mitt So nÿm sines fingers war / des zaigers an der obrosten hand vnnd wed wend dich vmb vñ volg hinder den man Darmitt trÿb ain ringẽ dar nach din bestes ist / also thů oben vñ och vmb och mitt dem fingẽ daß haiset ain lem bruch ~
Den andern bruch
Wend dich ein wendig vmb vñ tritt mitt baiden füssen nahent sinẽ füssen vff welche sÿtten du wilt Vnd begriffe im daß nechste bain ober dem knÿ
70v
mitt baiden henden Last er dich nitt so wirff in vff dz haupt
Den drittẽ bruch
Griff hinder dich ainẽ zwischen die händen vñ truck in do mitt ~
Ain ander stuck
Begrÿff ainẽ man mitt baidẽ henden In ainer hand In ÿegclich hand zwen fingẽ die bÿ ain andẽ steen vñ zuck die fingẽ von ain ander Daß ist zů loffents Stos in mitt der anderen hand vndẽ den halß vnd domitt ring ~
Grÿff in ~
Daß erst vndẽhalten
Grÿff in dem ringen mitt dinẽ rechten hand an sinẽ rechten
71r
arm hindẽ sinẽ rechten hand Vñ grÿff mitt dinẽ lincken hand an sinen elnbogen Vnnd leg sin arm In din arm din arm vñ tritt hinder in vñ halt in föst Haust du in nicht gefölt So begriff im sÿn rechten fůß vnder den waden mitt diner gerechten hand Vñ wirff in vff die nasen Vñ halt in mitt baiden henden oder mitt ainẽ wie du wilt / oder magst och zů der anderen hand thůn Sonder wechsel din hand an sinen arm ~~
Das ander vnderhalten
Wirffest du ain vff den ruck so fall im mitt dem lincken knÿ
71v
vffe den rechten arm mitten in dem glencke Vñ fall im mitt dem lincken arm In sin halß vnd druck in hart Vnnd begrÿff im sin lincke hand mitt dinẽ rechten vñ bring im sin lincke in s din rechte hand vñ fasß in den mitt dinẽ lincken hand so magstu im thon mitt dẽ rechten waß du wilt Daß magst du och thon zů der lincken sÿtten ~~~~~
Daß dritt vndẽhalten
Item so du ain magst werffen vff den ruck in dem selben begrÿff im baide knÿ baÿ bain vnder dem knÿ mitt baiden
72r
henden vñ heb im die bain vff so du höchst känst vñ fall mitt baiden knien knÿen zwischen sine bain vff s sin hoden Vnd büg daß du mitt ainer hand sine baÿde baÿn gehaltẽ magst So erwerst du mitt der anderen hand nach dinẽ willen
Daß erst vff ston
Wilt du daß erst vff ston brechen in dem ringen so fall selbert nider mitt gůttem willen Vñ heb die knÿ vff so du höchst magst vñ halt in bÿ dem ruck Züch den man hart nach dir vff die knÿ dar nach streck
72v
ain knÿ welches du wilt so glet er ab So folg im nach mitt baiden hendenvñ füssen vñ halt in vnder dir mitt aim vndẽhalten alß du wol waist ~~~:•
Das ander vff ston
Item bewÿß dem man ain obern gry griff damitt so buck daß haũpt im vndẽ die brust / vnd züch in nach dir / vñ fall nider vff den ruck / vnd beug dine knÿ so du höchst magst / vñ grÿff im die griff zwischen den bain mitt welcher hand du magst Vnnd wurff in überdich / vnd biß schnell vff in / vñ thů ain vnderhalden welches dir eben ist oder werdẽ mag~~~:•
73r
Das dritt vff ston
Ob dich ain man gar vnder im hätt So nÿm war weche hand er oben hätt hat / die selben griff nach der sÿtten an dem arm Daß haisst ain bainbruch Vnnd gat in vil ringẽ Ind em griff vol mitt henden vñ mitt bainen / vñ mitt ganczẽ lÿb / bÿß du den man vnder dich bringst So thů der vnderhalden ains alß vor geschriben stat ~~~:•
Von mort stossen Der erst
Greÿff den man an mitt der lin lincken hand ober der gürtel wo du wilt Do mitt stoß in mitt diner gerechten hand zůgeschlossen
73v
mitt kröffen an sin hercz Do mitt greÿff ain ringen So es dir beste werden mag Vnnd folg dem ringen mitt brüchen vnd widẽ brüchen Die selben brüch vñ wider brüch thů in allen ringẽ Zů rosß / zů füssen / gewäpnet oder bloß / zů laff lauffens oder ligend oder vffstendig ~
Der ander mort stosß
Grÿff den man an mitt der lincken hand ob der gürtel vñ stoß im mitt ainẽ knÿ mitt welchem du wilt von vnden vff an sin hoden Vnd do mitt ain starcks ringẽ ~
Item in allen ringen die du tůst
74r
so nÿm war vnderhalden ober gepürt vñ och vff ston Darnach nÿm war ob es dir nott tůt mort stöß vñ bain brüch ~
Der dritt mort stoß
Greũff den man an mitt der lincken hand ob der l gürtel vñ schlach in mitt gerechten hand zů geschlossen an den schlauff So du hertest magst vñ do mitt ain starck ringen vff din bestes ~
Von bain brüchen Der erst bain bruch ~
Das ist das gemain ringen an armen Daß do haist ain bain bruch das trÿb mitt kröfften Vnd begrÿffest du im den gerecht~ arm
74v
so tritt in mitt dem rechtẽ fůß hindersich vñ ver secz im mitt dem lincken fůß für sin bain Vñ stoß in für sich über die huff damit volg ~~~:•
Ain ander bainbruch
Mitt welcher hand ain man dich an grifft / der hand nÿm war vnd begrÿff den arm mitt baÿden hendẽ hindẽ sinẽ hand / vñ wend vmb sÿn din ruck für sein buch baũch an (Korrigiert aus »am«.) dem vmbwenden so heb sin arm vff din nächste achsel vñ druck do/mitt nider So brichst du im do/mitt den arm Ob dir der bruch volgt wend dich vmb vñ ring / ~~
75r
Der dritt bain brũch
Wie dir ainẽ die hand zaÿgt vnd will dich grÿffen mitt schlengenn oder mitt stossen odẽ mitt ringen Der hand nÿm war vñ begrÿff sÿ võ vndẽ vff mitt der lincken hand Vñ grÿff mitt der rechten hand durch sin v°chsen an dem selbẽ arm bÿ der lincken hand zů lauff lauff vñ versecz din rechtẽ fůß hindẽ sin rechts bain vñ truck in hindersich über die lende Do mitt thů ain griff vñ halt in föst
Der vierd bainbrũch
75v
Mit wölcher hand dich ainer angrifft Der selben hand nÿm war vnd begrÿff im die hand alß du tůst in dem andern bainbrüchen Vñ wisch im mitt dem haũpt vñ lÿb / durch den selben arm vñ truck im dann sÿn armhart Vñ ruck im denn sin nechsten fůß so fölt er ~~
In dem bain sind zwen brich Der erst
Begrÿff im sin bain mitt baiden henden an / mitt dẽ ainen hand ober dem enckel / mitt der andern an dz knÿ / dz gät dar alß der erst bainbruch ~~
76r
Der andẽ bruch
Begreÿff Im ain bain ober dem anckel mitt baiden hendẽ vñ ruck im dz über die achsel so brüchst du im dz bain ~
Ain mort stoß
Stoß in mitt baiden fernnsten hendẽ zů geschlossen So du hartest magst an den halß Darnach ring ring ring ~~~
Ain mort stoß
Tů Im baÿde daumen in baÿde bachen vñ die andern fingẽ oben an/daß haipt haupt vñ stoß in mitt dẽ rechtẽ hand mitt ganczer macht ~~~
76v
Ain mort stöß
Stos in mitt der rechten hand an den nabel so du hertest magst ~~~~~:~
Item Nÿm din lincken arm vñ grÿff im vff sin rechten arm vff die maüß vñ mitt dinem rechten arm hand fall im vmb sÿn lincke / sÿtten vnd halt in föst hinden bÿ der Juppen odẽ hosen Vñ wirff im deñ dinen arß in sin schoß Also dz din recht bain vor o sinem rechtẽ stee vñ in dem selbigẽ wirff in über die huff ~~~
Ain bruch
It~ wann dich ainer über die
77r
huff will werfen So du hinder im stäst So nÿm din lincken arm vñ schlach im vmb sÿn halß vñ druck in hindersich gegen dinẽ lincken sÿtten So wirffest du in ~
It~ wann ainẽ hinder dich stät vñ will dir dz erst stuck brechen So buck dich hindersich sam du hindersich wöllest fallen Begriff im mitt dẽ lincken hand sin linck bam bin bain vñ rucks im übersich so wirffst du In ~
It~ fall im mitt dinẽ lincken hand vff sin rechten vff die maũß Vñ fall im och mitt dinẽ rechten arm vmb sÿn
77v
lincken sÿtten vñ secz im din recht bain inwendig wol hin an zů sinẽ rechten bain Vnd in dem selbigen dree dich vmb gegẽ diner rechtẽ sÿtten Vnd begrÿff Im mitt diner lincken hand sin recht bain oben bÿ dem arßbacken so wirffest du in ~~~~~:•~